大陸女星湯唯前年就同韓國導演金泰勇結婚，原來唔止湯唯，好多大陸藝人都同韓星撻著。
劉亦菲、宋承憲
韓國型男宋承憲去年拍攝大陸電影《第三種愛情》後，被偷拍到與細11年的大陸女星劉亦菲假戲真做，其後雙方大方認戀情。但係今年5月，網上突然傳出宋承憲以「不能給對方幸福」為由結束9個月的跨國戀，但宋承憲嘅經理人公司就發聲明話佢哋仲係交往中，事件不了了之。
張儷、朱鎮模
今年7月，大陸有網吧就爆出話女星張儷同宋承憲喺藍色港灣酒吧同車聚餐，咁就引咗大批大陸記者去追訪啦，點知去到先發覺唔係宋承憲，而係演過《霜花店》、《奇皇后》嘅朱鎮模。仲話朱鎮模去咗女方香閨過夜o添，翌日仲一齊去撐枱腳，朱鎮模行出飯店時仲搭住張儷條腰。
於曉光、秋瓷炫
去年韓國女星秋瓷炫就喺微博公開同大陸男星於曉光嘅跨國戀情，於曉光就轉發女友嘅微博，留言：「你是答案。」非常甜蜜。
劉雯、崔始源
去年崔始源同大陸名模劉雯拍攝江蘇衛視嘅真人騷節目《我們相愛吧》傳戲假情真，之後劉雯親飛到首爾欣賞Super Junior演唱會。
戚薇、李承鉉
韓國男團TAKE組合成員之一的李承鉉，同大陸女星戚薇因合作拍MV而譜出戀曲，前年佢哋仲去咗塞班島為《時尚新娘》影相時，李承鉉仲送上驚喜跪地求婚，即場舉行婚禮。
高梓淇、蔡琳
韓國女星蔡琳14年同大陸男星高梓淇合作劇集《李家大院》結緣，男方仲係北京三里屯公開向蔡琳求婚，同年10月喺太原舉行婚禮。
from:
http://hk.apple.nextmedia ... 160904/19759675
