李思欣演醫生有難度

1^# 大中小 young 發表於 2016-9-14 03:09 發短消息

李思欣同老公范振鋒最近為理工大學嘅一套微電影《生與死》開工，故事改編自一個小巴意外真實個案，思欣演懷孕醫生，遇上交通意外昏迷，插喉臥床，思欣話：「演呢啲戲一啲都唔易，因為要咬住喉管，個嘴有啲攰。我細個志願真係想做醫生，終於演戲做到啦。」劇情交代阿范做老公，當然駕輕就熟。思欣戲中扮大肚，現實生活幾時先肯生，佢耍太極話：「老公催先算。」

撰文：馮仁昭
from:http://hk.apple.nextmedia ... 160901/19755791

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-10-25 21:03 發短消息

李思欣解禁着三點式

李思欣自嫁咗畀范振鋒升呢人妻後，衣着大受老公監管，性感款式全部被「退貨」，思欣噚日過澳門度假，落酒店泳池嬉水，佢立即解禁，換上三點式泳衣，無懼秋意，思欣仲將相片貼facebook分享並留言：「寫意的一個下午，可以浸到日落吧！」思欣噚日笑言老公尺度太高，所以買三點式泳衣有難度：「𠵱家買少咗，不過我呢套泳衣同寫真𡃁模比，好濕碎。」

撰文：馮仁昭
from:http://hk.apple.nextmedia ... 161024/19810241

TOP

3^# 大中小 young 發表於 2017-7-19 19:31 發短消息

李思欣嘆斬人案恐怖

吳啟華、李思欣（中）同黃竣鋒主演嘅網絡電影《奪命追兇》噚日喺深圳開工，劇組安排眾演員前晚齊集深圳準備，劇組入住酒店同前晚深圳寶安區西鄉鹽田沃爾瑪超市發生斬人案同區，疑兇已被捕，李思欣噚日話：「噚晚朋友問我，唔知乜嘢事，睇咗即時新聞就嚇一嚇，因為好恐怖成地血，班傷者好慘。不過我拍嘢都係跟大隊，唔會自己出去。」

撰文：馮仁昭
from:http://hk.apple.nextmedia ... 170718/20092875

TOP

4^# 大中小 young 發表於 2018-2-6 14:00 發短消息

李思欣整鹹嘢引老公

東網巨星節目《閨蜜睡房》請來又睇得又講得的靚靚人妻李思欣着住睡衣擔任嘉賓！思欣在節目中就自揭老公范振鋒勁保守不想她着三點式，自認浪漫老婆的她為冧老公，會花心思為他慶生，例如預訂餐廳、訂鹹味蛋糕！

李思欣上載噴血水着相，被老公投訴。

滿分人妻李思欣日前以睡衣Look亮相東網巨星節目「海馬牌床褥特約」《閨蜜睡房》，她表示之前上載了一輯噴血水着寫真，令老公范振鋒「唔OK」詐型：「佢話盡量唔好甫三點式，想我保守啲！」提到兩人若有爭拗，笑言老公會讓她三分：「我真係有唔啱嘅，就會氹番佢。」

范振鋒踢一踢郁一郁

思欣自認浪漫老婆非常貼心，會諗定如何為老公慶生，例如預訂餐廳、訂鹹味蛋糕，到她生日，范振鋒反而是踢一踢郁一郁。講到睡眠習慣，思欣表示每晚都想老公抱住入睡，不過卻大爆他瞓着後會「性情大變」，發夢踢波殺球搞到她流晒血，十足危險人物，所以她立心要保護好自己。

李思欣講起閨房趣事，竟然畀老公范振鋒「打」！

李思欣、范振鋒一向恩愛。

文：影視組

TOP