現年25歲李蘊的愛女羅紫晞已滿3個月大，前晚在紅磡一間酒店舉行百日宴，契媽何超蓮和G.E.M.（鄧紫棋）於黃昏6時許先到中環的珠寶店買禮物，再到酒店出席晚宴，兩人躲在VIP房直至入席才現身，跟方力申同坐一圍，三人十分投契狂傾偈。
全母乳冇得瞓
現場佈滿氣球恍似童話世界，打扮成小公主的紫晞被父母抱著上台切蛋糕。李蘊昨在電話說：「兩個契媽送咗一條手鏈畀BB，遲啲要攞去改，改完之後我哋三姐妹同BB每人一條，超蓮好搞笑話我哋係一家四口。」問到原來跟小方熟稔，李蘊說：「自己12歲出道，所以當時都識，呢排我同何小姐、鄧小姐出嚟食飯，佢哋嗰邊原來有人同小方幾熟，我哋見番面又有幾多偈傾，所以請埋佢一齊嚟玩囉。」
問是否刻意安排小方跟兩位契媽坐？李蘊說：「佢哋同一圍，位係自己揀，可能佢哋啱傾咪坐埋一齊囉。會唔會撮合佢哋？唔好玩啦，咁大個人，佢哋個個都係單身，做嚇朋友都好正常。」李蘊還提到湊B辛苦：「我keep住全母乳，所以冇乜點瞓，BB到𠵱家都未戒夜奶，兩、三個鐘食一次。」
李蘊的愛女羅紫晞獲兩位契媽送手鏈。
李蘊和丈夫羅章冠抱囡囡上台見賓客，場面溫馨。DV圖片
黃長興前晚亦為細仔舉行百日宴，獲陳敏之夫婦到賀。互聯網圖片
黃長興擺16圍
此外，曾選港男的黃長興前晚在尖東為細仔Tristan舉行百日宴，黃長興昨在電話說：「噚晚擺咗16圍，全部都係親戚同好朋友，包括有小方、蕭正楠、袁偉豪、陳山聰、林子善同陳敏之，非常開心。」現懷胎5個多月的陳敏之前晚拖老公雷偉信到賀，她嘟嘴扮錫BB，她將合照貼社交網並留言：「Tristan實在太可愛太handsome！」
採訪：黃曉程、羅德光
攝影：朱志聰、潘冠恩
from:
http://hk.apple.nextmedia ... 160829/19752486
