發新話題 Report thanks

方媛Moka隔空冧城城郭富城

Moka透黑Bra捧城城場

方媛Moka隔空冧城城郭富城圖片1
穿上閃爍透視裝的Moka,昨晚大方任傳媒影相。

天王郭富城假紅館舉行的十五場「舞林密碼演唱會」昨晚舉行尾場,28歲國產辣模女友方媛(Moka)雖然首場因工作未有現身,但來到最後一晚當然要支持到底!

演唱會在晚上8時45分開始,開騷前約一分鐘,全場燈光變暗後,Moka悄悄現身,坐在控制台下面的座位。Moka早前被指現殘樣,昨晚自然要悉心打扮,穿上閃爍透視裝,現黑色bra top,似登台般養眼。記者上前拍照,Moka亦大方任影,還展現自信笑容兼撥弄秀髮。其他捧場藝人有錢嘉樂、何超蓮、JW及陶大宇等,穿上粉紅色情侶裝的姚子羚和男友鄭子邦企定定合照。

採訪:盧妹
攝影:葉君海
from:http://hk.apple.nextmedia ... 160909/19764789

TOP

尾場三講I Love You慶功再放閃城城愛不完:多謝Moka

方媛Moka隔空冧城城郭富城圖片2
城城大讚女友Moka善解人意,預計對方今次離港前,二人無機會見面。

舞林王者郭富城的15場演唱會前晚在紅館舉行尾場,28歲國產女友方媛(Moka)亦有到場支持。Moka看得投入,當城城唱《火熱動感La La La》要求大家站起來一齊打pom pom棒和跳舞時,Moka都聽話照做。之後城城唱《木偶襲地球》與歌迷握手,Moka亦有站起來,可惜她坐在較後位置,未能成就「世紀一拖」。

壓力最大

不過,城城唱《對你愛不完》仍不忘向女友施冧功,特地向Moka所坐的正台方向發表愛的宣言,他廣東話夾普通話說:「着住紋身衫行埋嚟講I love you,有甚麼感覺?係咪好能夠保護你?」之後再講多兩次「I love you」才唱出《I Love You So》,相信Moka已經全部收到。臨完場前,城城哽咽地說:「15場轉眼過去,今年係我做歌手25周年,係好值得紀念嘅日子。人生有幾多個25年呢?今次演唱會,係我做歌手以嚟最大壓力嘅一次。」
方媛Moka隔空冧城城郭富城圖片3
Moka放低工作,前晚再度欣賞男友演出。
方媛Moka隔空冧城城郭富城圖片4
城城昨日在銅鑼灣出席活動,避談會否帶Moka見家長。攝影:陳順禎
睇足8場

慶功宴上,城城透露為演唱會節食兩個多月,所以大會特別準備火鍋慰勞城城。提起女友Moka,城城一臉冧樣謂:「好多謝Moka飛嚟香港支持自己,佢都放低手頭上嘅工作嚟睇咗8場。」並大讚女友好乖兼善解人意,問是否因此而對Moka所坐的正台方向講三次我愛你?他說:「咁我表演都係為所有嘅人,唔係為個別嘅人。」城城透露與Moka一直沒有見面,因為Moka不想騷擾他,二人只靠短訊來往。

城城昨晚在銅鑼灣出席活動,他指心情仍然忐忑,因平時該段時間已在紅館準備演出,問難忘原因是否因為Moka差不多晚晚捧場?他說:「我當咗佢係粉絲㗎啦。」又透露Moka仍在港,問會否一起過中秋?他說:「大家都有嘢做,中秋我最想同屋企人食飯,媽媽年紀大,想多啲時間陪佢。」

採訪:盧妹
攝影:葉君海
方媛Moka隔空冧城城郭富城圖片5
城城(左二)透露為了今次演唱會而節食兩個多月。
方媛Moka隔空冧城城郭富城圖片6
城城直言今次開騷是25年來最大壓力一次。
from:http://hk.apple.nextmedia ... 160910/19765974

TOP

帶女友與兄弟飽飯一齊攞車城城命令Moka乖乖跟返歸

方媛Moka隔空冧城城郭富城圖片7
【雙手護女】
城城一隻手為女友推玻璃門,另一隻手又護住女友,十分有風度。

【銅鑼灣】四大天王只有郭富城未結過婚,現年50歲的城城情史豐富,最近與28歲強國辣模女友方媛(Moka)打得火熱,甚至在個唱上揚言恨成家立室;日前城城高調孖女友到銅鑼灣見兄弟食飯,「準城嫂」Moka揹約3萬元的黑色Boy Chanel顯貴氣,城城出動辣跑林寶堅尼做愛的戰車,命令女友乖乖上車,盡晒香車美人放閃!

黃金單身天王郭富城,去年12月公開與33C火辣強國女方媛拍拖後,上周四城城完成15場紅館「舞林密碼演唱會」,Moka來港攻城睇足8場個場晒愛,城城在慶功宴上公開大讚女友好乖,因為不想騷擾他演出,兩人在個唱期間一直沒見面,只靠短訊聯絡;直至尾場演唱會翌日,Moka終於等到男友愛的呼喚,城城於工作後急不及待孖女友到銅鑼灣食飯,兩人終於見面解相思之苦。

推門顯風度

當晚城城到銅鑼灣出席活動,據知之後相約老友沈嘉偉一家在利園食飯,多日未見女友一面的城城,趁機帶Moka出席飯局,正式介紹女友給朋友認識,確認「準城嫂」身份。

直至凌晨12時20分,記者在利園停車場見到城城和女友現身,粉紅頭的城城一馬當先步出電梯,警覺性甚高的他撳實𨋢門,似特工上身雙眼周圍𥄫清楚環境後,再示意Moka和同行兩女友人出𨋢,城城並有風度地幫她們推開玻璃門,然後跟兩女友人道別。
方媛Moka隔空冧城城郭富城圖片8
【特工上身】
城城於日前帶女友見兄弟後,搭𨋢到停車場取戰車時警覺性甚高,伸頭出𨋢外𥄫環境。
方媛Moka隔空冧城城郭富城圖片9
【Man爆推門】
城城見柔弱的Moka不夠力推門,即使出麒麟臂幫女友。

讚個唱好睇

城城和女友並肩行到停車場,當晚他出動價值約400萬元、掛上自訂車牌「SKY」的林寶堅尼Huracán LP610-4辣跑做愛的戰車,當發現記者時,城城表現十分淡定兼笑笑口,反而Moka就嚇到呆站一旁,不敢走近男友身邊,記者問城城:「咁sweet呀?同女朋友食飯?」城城大方說:「係呀,難得吖嘛!」再問女朋友對演唱會有甚麼意見?城城展露甜到漏的笑容,他見到女友不敢上前,則體貼地用普通話對她說:「沒關係,前來坐吧。」Moka乖乖聽話自己開車門上車,更甜笑讚男友個唱:「很好看,謝謝!」

採訪、攝影:徐錦池、畢紹基
方媛Moka隔空冧城城郭富城圖片10
【唔敢行近】
Moka發現行蹤被記者撞破,驚到跟男友保持距離,不敢走近城城。DV圖片
方媛Moka隔空冧城城郭富城圖片11
Alexander
McQueen絲巾
$4,900
【勝利笑容】
成功攻城的Moka被男友叫上車,即露出勝利之微笑。

DV圖片
方媛Moka隔空冧城城郭富城圖片12
【出動戰車】
Moka坐上價值約400萬的林寶堅尼戰車,同城城返歸。
from:http://hk.apple.nextmedia ... 160912/19767684

TOP

【罕有放閃】願為Moka公開戀情

方媛Moka隔空冧城城郭富城圖片13
手拖手
郭富城高調戀內地辣模Moka,兩人公開戀情至今9個月連環放閃,高調晒愛。

手拖手

去年12月1日,城城高調在微博貼十指緊扣相並留言:「這樣開車要慢一點!」正式公開Moka的「新城嫂」地位。
方媛Moka隔空冧城城郭富城圖片14
撐枱腳

上年12月4日,城城再在微博貼跟女友食飯相放閃:「這樣吃飯要慢一點……嗎?」Moka嬌嗲回應:「別皮了,快吃飯!」甜到漏!

包影院

去年除夕前一天,城城在上海收工後蜜會女友,撐完枱腳再嘆咖啡,兩人狂玩selfie又隔空咀嘴,之後更到戲院包場睇戲,節目豐富。

陪練車

今年6月,城城豪擲約2,000萬港元買法拉利FXX K,全球僅限量32部,Moka陪城城到上海取車和練車。

甜蜜撐

城城假紅館舉行15場演唱會,Moka於上月29日被發現秘密捧場,上周四尾場又高調再現身,城城望着女友唱《永遠愛不完》。
from:http://hk.apple.nextmedia ... 160912/19767688

TOP

Moka富貴攻城Boy Chanel袋加McQueen絲巾

一躍「城」門聲價十倍的Moka,短短9個月由寂寂無聞的內地辣模,搖身變「準城嫂」,當晚攻城的行頭件件名牌,穿着黑色背心長裙襯厚底涼鞋的她,揹價值約3萬元的黑色Boy Chanel小手袋,披上搶眼的滿骷髏頭圖案粉紅色絲巾,相信是來自以骷髏頭作標誌的Alexander McQueen,大size絲巾價值4,900元,認真富貴。至於城城當晚接載女友的林寶堅尼亦響噹噹,有「細牛」之稱,速度驚人,由0至100km/h加速只需3.2秒,絕對襯得上做天王戰車。
from:http://hk.apple.nextmedia ... 160912/19767970

TOP

城城口味好一致?Moka有阿Lynn影子

城城出道以嚟,緋聞……其實唔少,隨手數嘅緋聞女友有姚正菁、鍾麗緹、朱茵、熊黛林(Lynn)、苟芸慧等,其中佢同Lynn嗰一段「情」最為人熟悉,不過留意番,城城從來都冇認過。

睇番細城城23年嘅國產女模方媛(Moka),有某幾個角度好熟口熟面咁……尤其似熊黛林,特別喺嗰啲大眼、長髮同笑容,睇清啲、睇多啲,其實都幾似,有理由相信城城原來係好呢款口味嘅女子。
from:http://hk.apple.nextmedia ... 160912/19767967

TOP

Moka黑超倒影洩蜜

方媛Moka隔空冧城城郭富城圖片15
郭富城(小圖)做完15場演唱會後,最近都放緊假留喺香港,而女友方媛(Moka)亦有留喺香港陪佢。前晚城城嘅舞蹈團隊有成員結婚,佢同經理人小美都有去飲喜酒,不過Moka冇出現。噚日Moka喺微博貼出舊相,佢喺藍天白雲下同陽光玩遊戲,平時鍾意自拍嘅佢,其中一張相着住潛水衣,但黑超倒影卻有個健碩手臂嘅人為佢揸機,睇怕都係城城啦!

撰文:馮仁昭
from:http://hk.apple.nextmedia ... 160926/19781708

TOP

thanks