E-kids重組日本錄歌

1^# 大中小 young 發表於 2016-8-24 00:48 發短消息

相關主題: E-kids

前E-kids成員林詠倫（Alan右）昨日與劉威煌（中）及可嵐等歌手在尖沙嘴出席酒吧騷，周啟生現身撐場。Alan透露E-kids將於今年內重組，早前已到日本錄歌：「原班人馬，搵番Tommy仔同Tim。想唱好歌畀fans聽，過去E-kids個朵唔太好，今次都係唱跳舞歌，但會係長大之後嘅感覺。」他更指過去被認為唱功欠佳，實非本意：「以前老闆唔畀我哋唱得太老練，因為目標係中學生。」
from:http://hk.apple.nextmedia ... 160821/19744127

廷伸閱讀/相關主題推介:

相關主題:E-kids

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-24 00:59 發短消息

樂壇小強重組E-kids辣火頭Tommy寸坤哥：扮棋都上到紅館

阮民安「單飛」後多搞作，但發展沒甚起色，不時惹來負面新聞是非。資料圖片
有「樂壇小強」之稱的阮民安（Tommy），於02年成為MK pop元祖E-kids成員，組合在四年後解散，前晚另一成員林詠倫在尖沙嘴的酒吧騷，宣佈E-kids將會重組，他表示：「之前已經去咗日本錄歌，今年內就會成事，只係想唱歌畀fans聽，過去E-kids個朵唔係咁好，好似MK pop咁，我哋今次都係跳舞唱歌，但會係長大之後嘅感覺。」

Tommy仔前晚接受本報電話訪問透露，是前經理人文滌提出重組，他已聯絡日本的監製朋友及大師級填詞人寫新歌，更有開騷大計：「我哋有個諗法就係喺（賽馬會）綜藝館，當年我哋喺嗰度開咗個唱，亦係我哋唯一一個騷，開完嗰個自殺式個唱之後，我哋都死埋喇。」提到他有打不死精神，他笑言：「我哋都知𠵱家啲歌手好勁，幾首歌就開紅館，冇乜所謂啦呢個年代，扮棋都上到紅館！」擺明暗寸早前在紅館開騷的吳業坤。

E-kids可算是MK pop的元祖男子組合。資料圖片

阮民安早年拍MV扮GD，負評如潮。資料圖片

阮民安希望重組後可以開音樂會，暗寸曾扮棋的坤哥（圖）只得幾首歌便在紅館開騷。資料圖片
坤哥：佢有讚我

坤哥回應傳媒訪問，他表示聽過E-kids的歌，更讚是個好回憶。對於Tommy的言論，他大方說：「Tommy冇暗寸我嘅，見到佢嘅fb喺我攞獎時，佢都有讚賞我啦！我覺得佢講呢番說話，第一，佢冇指名道姓，第二，我覺得佢係講緊喺呢個年代，只要肯去做肯去努力，肯朝住一個方向繼續堅持，就可以做到自己嘅夢想。」

採訪：盧妹、皓騫
攝影：盧妹
from:http://hk.apple.nextmedia ... 160822/19745207

TOP

3^# 大中小 young 發表於 2016-9-14 23:39 發短消息

【真心話大考驗】E-kids真係咁friend？

E-kids分拆多年，今日再重組，昔日默契還在嗎？《蘋果動搞作》團隊各自問了三人幾個相同的問題，看看他們的答案是否一致！

Q1邊個最大食？

Alan：一定係阿Tim！

Tim：我諗呀？阿Tim啦。

Tommy：咩大食先？都係阿Tim！

Q2邊個最有才華？

Alan：我覺得係Tommy，以前嘅作品都係佢作。

Tim：阿倫喺搞笑方面好有才華。Tommy就係作曲音樂方面。我就喺舞蹈上。

Tommy：咁一定係我。

Q3邊個最姿整？

Alan：姿整我覺得我自己。

Tim：我覺得係阿倫。

Tommy：姿整呀，應該都係阿Tim。

Q4邊個最多粉絲？

Alan：最多fans都係Tommy。

Tim：喺出道嘅時候，其實Tommy個樣係最可愛。

Tommy：話我似馬騮，好得意喎。依家就應該……都冇（fans）啦嘛！

Q5邊個最有錢？

Alan：最有錢我諗阿Tim，啱啱買咗樓，有自己嘅跳舞學校。

Tim：我覺得大家都冇錢。

Tommy：新聞就一定唔係我啦！

Q6邊個最多計？

Alan：點子係Tommy。

Tim：最多諗法Tommy。

Tommy：最蠱惑啦簡單啲嚟講。我同阿倫都係嘅！

Q7邊個最打不死?

Alan：係Tommy。好佩服佢，話佢曱甴，你試咁樣講我，我好唔開心。

Tim：最打不死打一定係小強啦。

Tommy：做咩一定係我啫？我覺得係阿倫！佢呢三五七年，日日喺度拍片唱歌0架！

Q8有咩想同另外拍檔講？

Alan：再有機會嘅時候要珍惜，唔好好似咁兒戲，可能最後一個機會。

Tim：如果同Tommy講的話，多啲陪屋企人。同阿倫講就係，少啲玩啦。

Tommy：希望大家好珍惜佢，無論係個騷可能得一次，可能做一場。

場地：Solari Music Centre

髮型：Reborn Hair

化妝：Wasabi
from:http://hk.apple.nextmedia ... 160910/19766261

TOP

4^# 大中小 young 發表於 2016-9-14 23:39 發短消息

自言重組最後機會E-kids踩新人質素

02年出道的E-kids重組，還找來前經理人簡文滌幫手。

【《蘋果》專訪】男子組合E-kids於02年出道，由阮民安（Tommy）、林詠倫（Alan）和郁禮賢（Tim）組成，四年後因唱片公司Stareast倒閉而解散，今年正式重組，雖然沒有成為娛樂頭條，卻在網絡世界像都市傳說般被流傳着，像他們的《開始戀愛》歌詞「何事我會妒忌我會擔心魔鬼搶走你」擲地有聲，加上骨幹成員Tommy的負面新聞，E-kids令大家不能忘懷，他們日前受訪時成員Alan表示：「雖然好多人踩、好多人笑，但都有一半人係鍾意，仲有人留意到好多歌係Tommy作嘅，其實好開心。」

唱兒歌走錯路

作品被指幼稚，Tommy說：「我哋啲歌低B，所以當時電台會揀陳奕迅、周杰倫嘅歌播，於是我哋直情唱埋兒歌，都好用心㗎，但已經好難入返主流。我哋好唔甘心，但當時冇辦法堅持。」E-kids認為今次重組是最後機會：「都係𠵱家樂壇啲新人質素太……，所以大家先會聽番舊歌，我哋好彩囉。」

阮民安Tommy

E-kids被指是MK-Pop鼻祖，如今捲土重來，計劃再出唱片。

林詠倫Alan

郁禮賢Tim
MK-Pop成風，組合如BOP及FAITH有不少負面新聞，Tommy說：「𠵱家出個post就會紅，覺得公司幫唔到手，其實有少少身在福中不知福。好似我哋今次都係搵返文滌（前經理人簡文滌），因為佢先最了解我哋。最有潛質係BOP，都幾可惜，祝佢哋好運啦。」

採訪：盧妹
攝影：仇志德
from:http://hk.apple.nextmedia ... 160910/19765939

TOP

5^# 大中小 young 發表於 2016-10-23 22:18 發短消息

E-kids連環嚇走贊助商

E-kids方面解釋因撞期而未能演出真人騷。資料圖片
E-kids本來日前參加ViuTV真人騷《ShowTime我主場》，跟新人進行PK賽，其中一場是街頭賽，不過灣仔利東街發展商之一信和集團聽見E-kids名字，拒借場地；ViuTV再安排E-kids到旺角行人路鬥唱，結果贊助商富衛保險指擔心品牌形象，拒絕E-kids在節目出鏡，由羅孝勇臨時頂上。

E-kids多次被拒，本報致電成員Tommy（中），他說：「得啖笑，真係唔知道發生乜事。」經理人公司解釋：「因為佢哋啲期同Viu夾唔到，Viu導演畀咗幾個期，點知撞正Tommy要去日本做嘢先接唔到做。」

採訪：皓騫
from:http://hk.apple.nextmedia ... 161015/19801305

TOP

6^# 大中小 young 發表於 2017-6-28 01:50 發短消息

E-kids佔旺拍MV

組合E-kids前晚佔領旺角一段街頭拍新歌《一二三四》MV，Tommy（中）笑話今次冒險佔旺跟大媽打對台，明知唔可以硬碰擺地攤，所以循正途向路政署申請封路。

Alan（右）擔心會落雨，事前特登燒衣紙拜神，Tommy即笑話：「如果一拍就落雨，證明E-kids可以收皮。」佢哋仲話自己堅持做跳舞歌，「香港唔止草蜢，我哋被稱為MK始祖，冇理由第一首歌唔佔旺。」

撰文：馮仁昭
from:http://hk.apple.nextmedia ... 170627/20069493

TOP

7^# 大中小 young 發表於 2017-8-17 22:05 發短消息

E-kids送iPhone谷新歌

E-kids為了吸引更多人睇新歌MV，日前在旺角街頭拍短片。

E-kids兩位人夫阮民安（Tommy）和郁禮賢（Tim）日前鬼祟現身旺角某幢黃色招牌林立的舊樓，逾半小時後Tommy戴口罩遮樣快閃。昨日記者致電Tommy了解，他緊張澄清：「梗係唔係去一樓一幫襯，嗰晚喺旺角街頭拍短片，髮型師喺呢幢大廈有地方畀我哋整頭。」

Tommy提供E-kids在旺角街頭擺檔「高價收機」相片為證：「下星期出新歌《一二三四》MV，為咗想多啲人睇，諗到睇MV送iPhone，喺facebook玩互動遊戲。你都知今時今日唔搵啲嘢送畀人，點會有人睇我哋MV或聽我哋嘅歌，係幾悲哀嘅，但唔緊要，希望大家可以留意E-kids有新歌。」

採訪：皓騫
from:http://hk.apple.nextmedia ... 170816/20122460

TOP