無線《城寨英雄》涉抄襲吳家樂喊冤反駁《九龍城寨》

1^# 大中小 young 發表於 2016-8-6 01:38 發短消息

吳家樂在新劇的造型，與漫畫《九龍城寨》的角色龍捲風相似。

無線即將推出由陳展鵬和胡定欣主演的劇集《城寨英雄》，不過本地作家余兒前日貼出一張《城》劇人物介紹圖，同時連發多文：「人名同背景設定都同《九龍城寨》一樣，大家都應該尊重創作。」、「想點先？真係諗唔到橋，可以搵我哋傾嚇。」余兒是小說《九龍城寨》原作者，他質疑吳家樂的劇中造型，以及張國強的人物設定，均有抄襲漫畫中角色「龍捲風」之嫌。

胡定欣其中一個造型，甚有《復仇者聯盟》黑寡婦的影子。

《九龍城寨》是余兒第一部小說，之後畫成漫畫。

《九龍城寨》原作者余兒支持二次創作，但不讚成抄襲。

角色名一樣

前日餘兒在灣仔接受本報訪問，他表示見網民留言才發覺《城》劇跟自己的原創小說極相似，他說：「《九龍城寨》係我08年嘅作品，亦係我第一部小說，之後由司徒劍橋畫成漫畫。《城》劇無論故事背景，就連角色人物名都一樣。雖然『城寨』同『龍捲風』個名都唔係我專利，但出現喺同一背景嘅故事度，我就會覺得咁巧合？」

余兒表示就算當年都不會有觀眾覺得電影《旺角揸fit人》是抄《旺角卡門》，他說：「雖然兩部戲都係講旺角，但入面嘅人物同古仔唔同。而《九龍城寨》電影同電視版權都賣咗，出年會拍成電影。」

集各家大成

有網民指《城》劇中吳家樂的造型，其實跟馬榮成漫畫《中華英雄》的角色司徒莫問相似度更高，而演殺手的胡定欣更有著美國漫畫人物黑寡婦加元秋在《功夫》中的影子。男主角陳展鵬用的八極拳，更是《一代宗師》中張震的撒手鐧，可算是集各家大成。

前日吳家樂受訪時回應：「我完全唔清楚佢（余兒）講乜嘢，我哋傾角色時，真係從化妝、髮型一路傾個造型出嚟。」並肯定地表示造型是逐點加上去，沒有一坐低就抄。不過《城》劇都有亮點，從宣傳片中可見劉佩玥夾硬將伍允龍的手壓落自己的胸部，不少觀眾看得非常開心。

採訪：李森
攝影：陳慧安

劉佩玥在《城》劇宣傳片中，強行將伍允龍的手壓向自己的胸部。電視圖片

from:http://hk.apple.nextmedia ... 160728/19712383

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-6 20:52 發短消息

《九龍城寨》電影版屬意霆鋒

余兒（後排左一）昨宣佈其原創小說《九龍城寨》將拍成電影及推出電玩遊戲。

無綫新劇涉嫌抄襲的《九龍城寨》小說作者余兒、黃玉郎及馬榮成等，昨日分別現身灣仔會展舉行的「香港動漫電玩節2016」。余兒、莊澄及陳羅超合作拍攝《九》電影及推出電玩遊戲。余兒表示會看無綫劇是否有抄襲成份，而對於網友提議電影版由謝霆鋒及余文樂等演出，他指很接近個人心水。莊澄指電影會找內地演員演出：「大家對敏感嘢都好有分寸，我哋都係講80年代，冇乜政治取向。」

至於黃玉郎為漫畫《春秋猛士》舉行簽名會，而馬榮成將為《風雲》製作5D音樂劇，希望推動本土文化，又邀得鄭丹瑞、鮑比達等擔任音樂劇幕後班底。

採訪、攝影：盧妹
from:http://hk.apple.nextmedia ... 160801/19717416

TOP

3^# 大中小 young 發表於 2016-8-10 07:07 發短消息

《城寨》土法心肺復甦定欣被樁心口即醒

播映中的無綫劇《城寨英雄》被網友批「膠到無倫」，林穎彤飾演的鑫鑫被羅莽一掌推埋牆後強姦，僅一秒鏡頭便死於紙皮箱堆中。另一幕胡定欣嬲到揮雙刀斬人，之後激動暈倒，要袁偉豪和陳展鵬使出「土法心肺復甦」一人一拳打醒她。
from:http://hk.apple.nextmedia ... 160809/19729207

TOP

4^# 大中小 young 發表於 2016-8-10 07:07 發短消息

《城寨》翻炒子珊一秒強姦幾歲仔識講「叫X」

大台劇《城寨英雄》其中一幕講劉佩玥所演嘅Audrey，鍾意咗救過自己一命嘅拳佬(陳展鵬飾)，之後劇中一個小朋友——小新就帶Audrey去見拳佬。拳佬為咗令Audrey知難而退就講大話指小新係自己個仔，刁蘭(胡定欣飾)係自己老婆。之後仲鬧出自己有性病嘅笑話，刁蘭話﹕「你個死佬係咪又試叫雞唔俾錢呀？」小新就話﹕「老竇你做咩叫雞唔預埋我呀？」唔止咁，劇中鑫鑫(林穎彤飾)被羅莽強姦一幕，推埋牆之後一秒就完咗事，呢招咪係《雷霆掃毒》入面，徐子珊成名嘅「一秒強姦」。
from:http://hk.apple.nextmedia ... 160809/19729171

TOP

5^# 大中小 young 發表於 2017-7-10 19:02 發短消息

吳家麗邀萬子合唱

萬梓良（右二）、吳家麗（右一）及白只等主演的喪屍電影《今晚打喪屍》，謝票場次已超過100場，萬子於本周末專程由廣州返港，和吳家麗及導演盧煒麟前晚聯手謝票。

萬子現身時，觀眾歡呼大叫，吳家麗見狀笑說：「要唔要合唱一首《鳳閣恩仇未了情》送畀fans？」萬子表示大開眼界：「原來同觀眾近距離接觸嘅感覺係咁開心。」
from:http://hk.apple.nextmedia ... 170709/20083356

TOP

6^# 大中小 young 發表於 2017-7-30 18:24 發短消息

又「鮑魚」又「警鐘」吳家樂「口頭騷擾」咪神

昨日大台宣傳新劇，主角當然落在胡定欣同陳展鵬兩位會有幾尷尬身上，話晒舉行活動嘅地方係商場，大人細路一大堆，但司儀吳家樂就係咁講衰嘢，仲拎34D新咪神張秀文嚟抽水……搞到已為人父嘅唯唯梁烈唯非常尷尬。

咁呢，當時眾演員戙晒喺台上介紹角色啦，講下自己有乜嘢長處咁啦，到梁烈唯嗰陣，佢就話自己最叻飛車，又話：「我係受保護動物，佢哋為咗保護我，成日都要打鬥，所以我好重要。」吳家樂即反問：「個個都保護你，咁張秀文邊個保護呢？」梁烈唯答佢：「佢唔使保護啦，佢本身已經係一個防狼器。」企埋一邊嘅張秀文即問：「你講乜嘢呀？」

估唔到呢個moment，吳家樂突然爆一句：「即係你講緊佢個警鐘呀？」張秀文接口道：「係呀，仲係你敲響嘅添！」梁烈唯一臉無辜：「我唔知呀呢啲！」吳家樂大驚：「佢敲響你個警鐘？」張秀文就試圖解釋：「我哋兩個係一對嘅…」吳家樂再抽多嘢：「嘩！你有一對警鐘？！」

張秀文已經成個人亂晒，身邊嘅梁舜燕就有啲尷尬。未冷靜到嘅張秀文試圖解釋：「點解佢成日敲響警鐘呢？我舖頭間茶餐廳呢，佢成日嚟黐飲黐食，但我真係好鍾意佢，所以我最叻就係偷，專偷火腿俾佢食。」梁烈唯終於出到聲：「哦，鮑魚嗰啲就唔偷嘅…」吳家樂就話：「鮑魚留咗俾你食。」梁烈唯一臉尷尬，烏低身無言以對…

學陳展鵬話齋，「今日好多小朋友，唔好亂嚟……」
from:http://hk.apple.nextmedia ... 170728/20104315

TOP

7^# 大中小 young 發表於 2017-8-5 22:26 發短消息

吳家樂姦阿佘冇尷尬

劇集《賭城群英會》播出以來收視不濟，結局篇更是死得人多，李國麟、梁琤、沈卓盈先後慘死，有網民提議改名為《死城群英會》。劇中吳家樂當着盲眼的馬國明面前強姦佘詩曼，家樂昨日回覆傳媒說：「做大奸都算係一個大挑戰，因為已經拍到最後先拍呢一場戲，所以唔算太尷尬。」馬國明就自言做衰人是一種挑戰。不過劇情似翻炒電影《賭聖3之無名小子》。
from:http://hk.apple.nextmedia ... 170805/20111913

TOP