石修睇住求婚明年做老爺陳宇琛娶前主播搵神幫拖

石仔帶女友Camille到英國坐火車見嫲嫲，展開求婚之旅。

陳宇琛（石仔）上週六在倫敦向拍拖兩年多的有線前主播Camille Lam求婚成功，石仔早在前年已決定在當地的約克大教堂求婚，前晚石仔在前往蘇格蘭的火車上受訪，直認求婚成功的他，強調不是奉子成婚，他說：「Planning係下年結，結咗婚先生小朋友，今次求婚之旅都計劃咗一排。」

石仔在神的見證下，於身後的約克大教堂求婚。

為了準備求婚鑽戒，石仔要諸多藉口隱瞞女友秘密行事。

石修祝福兒子石仔幸福快樂。資料圖片
坐火車見嫲嫲

石仔講述求婚安排和經過時表現興奮，他說：「我哋先坐飛機去到倫敦搭火車搵嫲嫲，佢好大年紀，兩年前已經想同女友一齊去，不過佢工作忙，陪我唔到，我應承咗嫲嫲會再去，咁我求婚地方係叫約克大教堂，我就喺入面求婚。」

選址大教堂求婚的石仔表示是有特別意思，「大家都係基督徒，要搵一個最勁嘅見證人，就係神，去見證我對佢嘅一個承諾。當時好緊張，本來個腦諗咗好多嘢要講，不過當時啲嘢都亂曬，上台表演都冇咁緊張。佢覺得我好搞笑，佢知我好真心對佢講愛的宣言，佢梗係應承啦。」求婚之後，二人去了一間tea house慶祝，石仔說：「爹哋媽咪喺度，仲有隻求婚戒指，之後去咗郊區食celebration dinner。」

秘密打造鑽戒

提到求婚鑽戒，讀設計出身的石仔花了很多時間準備：「因為𠵱家一齊做嘢，差唔多日日都會對住大家，我要好秘密咁走出去話見客，佢都覺得我嗰排好古怪，我都要諗好多藉口，後尾去到倫敦見我屋企人，我諗佢都估到啲，不過係唔知我幾時行動箒。」

石修最快明年可以飲到新抱茶，他昨日回應時表示非常高興：「恭祝阿Sam（石仔），新階段，努力加油。」被問想不想盡快抱孫？他說：「一切由Sam決定。」

採訪：非非
from:http://hk.apple.nextmedia ... 160727/19710801

陳宇琛日前與太太在蘇格蘭愛丁堡行禮兼影婚照。互聯網圖片
石修兒子陳宇琛去年7月求婚成功後，今年2月娶有線前主播林佑蔚（Camille），他們在教會的牧師見證下，舉行註冊儀式，明年將會在港設宴款待親戚朋友，他們於本月7至9日在蘇格蘭舉行了婚禮，並邀請了50多個親友到場觀禮，同時在古堡內拍攝婚照。

石仔與Camille不時在Ig放閃晒恩愛。

同行的化妝師Melody前晚8時許在Ig貼了一張古堡相，原來石仔就是在這一間蘇格蘭愛丁堡Carlowrie Castle影相，當中有一張見到Camille蹺着石仔右手在草地上行的相，並穿上之前行禮時的大deep V婚紗，當時新娘子正在低頭微笑，幸福滿瀉。

採訪：唐心悠
from:http://hk.apple.nextmedia ... 170812/20118724

石修忙於與陳國邦（左）排練舞台劇，因而缺席兒子在外地的婚禮。

石修和陳國邦昨日在上環文娛中心為下月演出的舞台劇《紅梅再世》綵排，此劇是由粵劇改編成舞台劇，石修演出大反派宰相賈以道，而陳國邦是書生裴舜卿，兩人首次於舞台劇合作。

兒子陳宇琛上周在蘇格蘭舉行婚禮，石修因工作未有出席，他說：「我哋事業行先，好似呢套戲都一星期排五日。佢唔會嬲嘅，佢明白呢行係咁唔穩定，喺嗰邊有影相畀我睇，見佢都好開心。」至於回港後會否補擺喜酒？石修說：「呢啲要問佢，佢都係啱啱結婚，好多嘢要搞。」陳國邦笑言已諗定對女兒放手：「已經成日幻想遲啲打唔到畀佢，得我自己喺屋企垂淚。」

採訪：盧妹
攝影：陳順禎
from:http://hk.apple.nextmedia ... 170819/20125813