Pokemon Go 睇落係一個好簡單嘅Game，但實際後面原來有好多計算。除咗小精靈CP 值同人物Level 有關係之外，就算比你捉到高CP 嘅小精靈，原來都未必值得升嗰隻Pokemon。所以網上就有一個叫Poke Assistant 嘅計算機，只要輸入精靈資料，就幫你計算小精靈最好同最差情形，比你作為參考決定升唔升隻野！
首先打開【
Poke Assistant】，跟住你就會見到五個空位俾大家輸入資料精靈資料，又左至右分別係小精靈名稱、CP 值、HP 值、升級所需要嘅Dust 量以及之前升過級未，輸入曬以上資料就可以禁「Find IVs」，系統就會自動幫你計算。
今次記者就以自己手上嘅小火馬作為例子，輸入所有資料之後，系統會顯示升級之後最多會有16 情形。拉落下面就有詳細分析，系統由上至下顯示：原本小火馬最差嘅結果、記者手上小火馬最差嘅結果、記者手上小火馬最好嘅結果同埋原本小火馬最好嘅結果。換言之，記者手上呢隻小火馬有機會係最好嗰種小火馬，但係只有1/16 機會，而好大機會係差嘅！再拉落去睇，就會見到小火馬進化成烈焰馬嘅情形。而整體黎講，呢隻小火馬一就係極品一就係垃圾，所以升呢隻係好多賭注！
http://www.e-zone.com.hk/channel ...thash.hTsnCjDg.dpuf
