李若彤半百姑姑仙氣減齡湊小妹妹放學

「小龍女」李若彤自08年跟商人郭應泉分手後，一直未有新戀情，前日她被本報拍到湊著一名餅印一樣的小妹妹，到長沙灣一playgroup學校上堂。李若彤趁上堂空檔到附近買餸及家庭用品，之後再接小妹妹放學，儼如家庭主婦。年近半百的姑姑，仙氣十足，購物不忘展示修長美腿，盡現熟女風範。

李若彤95年跟古天樂合作拍無線劇集《神鵰俠侶》，小龍女角色深入民心，98年戀上商人郭應泉，兩人經歷郭的公司被清盤，08年最終分手收場，十年情告終，之後未見她有新戀情公開，大前年曾復出拍無線劇集《女人俱樂部》，之後就再沒有新作。

年近50歲的李若彤似乎並不閒著，前日上午11時許，她帶著一名年約5歲、樣貌跟她十分相似的小妹妹，去到長沙灣一商場內的playgroup學校上堂。安頓好小朋友後，李若彤去到附近一家電器舖選購燈掣，她左挑右選仍找不到合心水的用品，最後她買了一個白色電掣。

超市買餸如主婦

之後李若彤到了商場內的超市買餸，她十分熟練地買了大量蔬果、新鮮肉類及魚，儼如家庭主婦。李若彤買完日用品後，走到一個專賣保健產品的貨架，停下來研究一番才買。身穿短褲高跟鞋，展示一雙長腿的李若彤購物時，已引來街坊的目光，當發現她是「小龍女」，不少人都多望兩眼。

離開超市後，李若彤回到學校找了個隱蔽地方坐下玩手機。未幾，有數名相信又是來接小朋友放學的家長到來，跟李若彤談得非常投契，就如一班家長分享育兒心得。當小朋友開始落堂時，李若彤帶的小妹妹，一步出教室便親熱的拉著她的手，負責教導的外籍導師在門外逐一跟各家長會談。李若彤跟導師交談時，問得非常仔細，足足傾了15分鐘有多，跟導師傾完意猶未盡的她，再和其中一名家長吹水，講到興起更手舞足蹈，小妹妹一直在旁等候，十分安靜及乖巧。離開時，李若彤和小妹妹到停車場取車，李若彤忙於回覆短訊，竟忘記關車門，要小妹妹提醒，之後便駕車返回位於馬料水的寓所。

【稱職家長】
接小妹妹放學後，李若彤非常細心聆聽外籍導師的滙報。DV圖片

【興奮吹水】
李若彤（左）湊著小妹妹，與一名家長特別投契，傾到手舞足蹈仍不捨得離開。DV圖片

【狂篤手機】
在停車場取車時，小妹妹自行坐在司機位旁，李若彤則忙於回覆短訊。DV圖片
週末接返屋企住

對於李若彤跟小妹妹的關係，昨日她透過經理人Ali回覆，聲稱二人是姨媽及姨甥女的關係，Ali說：「呢個係李若彤幫妹妹湊嘅女，平時五、六、日或者每逢考試同暑假，小妹妹都會搬去姨媽度住，幫佢補習，李若彤好錫呢個姨甥女。」Ali又澄清李若彤並未息影，只是不想胡亂接戲演出，她說：「之前內地都有劇本畀佢，佢見劇本唔係太好所以冇接。」

大前年李若彤復出幕前時，曾表示五、六年前經歷跟男友分手和父親離世，患上抑鬱症，因此要暫別演藝圈，更曾有輕生念頭，她受訪時曾說：「當時我經常無端端喊，有諗過自殺……幸好上天畀個姨甥女我，湊佢係我最開心嘅時間，亦係佢救咗我，多謝妹妹畀我做媽咪嘅經驗！」她還特意學習兒童心理學。

採訪、攝影：畢紹基、徐錦池

李若彤買燈掣時，多番打電話請教友人。DV圖片

李若彤跟商人郭應泉拍拖十年，最終於08年分手收場。資料圖片
From:http://hk.apple.nextmedia ... 160606/19642367

年近50歲的李若彤，自95年跟古天樂合作拍無綫劇集《神鵰俠侶》，小龍女角色深入民心，大前年曾復出拍《女人俱樂部》，之後就再沒有新作，日前姑姑就穿上街坊裝現身長沙灣某商場，接姨甥女放學兼買餸，儼如一個經驗豐富的家庭主婦。

姑姑現已年近50，但仍保養得宜，當日她穿上灰色鉤針tee加黑色短褲仔，仍滲出點點少女味，順便騷養眼長腿，雖然一身平民街坊裝打扮，但仍不減出塵的仙氣，而最eye-catching的是她手挽的鮮綠色織皮手袋，設計類似Botteage Veneta的經典織皮手袋，容量特大，加埋自備的環保袋，買餸就冇難度！
from:http://hk.apple.nextmedia ... 160608/19645627

李若彤日前帶姨甥女到大白灣玩充氣滑梯。讀者提供圖片
【爆相爆片】李若彤08年與商人郭應泉結束逾十年感情，之後又面對父親離世，令她一度患上情緒病，幸有胞妹的女兒出現，令她改變了。日前讀者陳小姐透過《蘋果》「爆相爆片」，分享她在愉景灣的大白灣沙灘，見到李若彤及其姨甥女，同行還有一些親友，一家大細齊齊玩充氣滑梯。

陳小姐表示：「佢哋本來想玩船，但係已經截咗龍，職員叫佢可去YOHO玩，李若彤就笑笑口話唔通我𠵱家去咩？」不過，陳小姐指當日沒有太多人留意到李若彤，陳小姐說：「啲職員都好後生，估計唔識佢，不過佢真係好錫個細路女，全程對個女仔好照顧。」

撰文：小米
from:http://hk.apple.nextmedia ... 170825/20131579

李若彤喺90年代拍過唔少電視劇，當年佢嘅「仙氣」真係出晒名，之後喺2000年代仲北上發展，喺04年拍完《大宋驚世傳奇》之後就淡出幕前，直至2013年復出拍《女人俱樂部》，神隱近十年原來李若彤曾經喺呢段時間患上情緒病。

李若彤曾經接受《蘋果》專訪講到當時工作令佢身心疲累，加上當時另一半商人郭應泉唔想佢工作，而淡出幕前，雖然李若彤為愛放棄事業，不過佢嘅戀情未有開花結果，08年同男友分手，失戀令佢頓時迷失自我，不過咁都未算最差，喺09年李爸爸中風。

而李若彤喺失戀、父親患病雙重打擊下患上抑鬱症，仲一度想輕生，佢話「感情分開係潛伏點，跟住爸爸病係爆發點，爆發到有情緒病，有諗過自殺！企喺街，無端端諗行出馬路會點呢？有衝動想做呢樣嘢，係唔知點解。幸好上天畀個姨甥女我，湊佢係我最開心嘅時間，亦係佢救咗我，多謝妹妹畀我做媽媽嘅經驗。」之後李若彤睇醫生治療，喺藥物幫助下情況好轉，不過及後爸爸離世令佢嘅情緒病復發，再食兩年藥之後情況先至穩定。

喺訪問中，李若彤話除咗將湊姨甥女視為寄託，仲多謝一位朋友當頭棒喝，講緊嘅就係發哥（周潤發），李若彤話「舊年11月喺大陸工作返港機上遇到發哥，佢問我仲有冇諗拍戲？我話冇，佢話人點可以唔做嘢㗎，佢講完我突然醒一醒。佢仲問我有乜興趣？我話鍾意運動煮嘢食，佢就話去考個健身牌，或好似謝寧咁，將興趣發展成事業。」佢仲多謝發哥引導佢去思考，之後仲有緣復出拍劇。
from:http://hk.apple.nextmedia ... 170825/20131656