想吃零食原因有很多，但未必與肚餓有關。壓力大、飲水不足、工作沉悶及「口痕」都會令人想起美食，甚至產生「假肚餓」。註冊營養師詹佩鳳表示，不想經常「想食嘢」，宜減少買零食。
詹指，當承受太大壓力時腦部或會發出訊息，導致胃部不適，甚至感覺渾身不自在，許多時會令人誤以為自己肚餓，此時不妨嘗試做運動，戰勝假飢餓感。家居運動如簡單伸展、練習瑜伽，甚至落樓散步都可以減壓。都市人忙於工作，易忽略飲水，即每日飲6至8杯。感肚餓時可先飲一杯水，以瞭解自己是口渴還是肚餓。
家中減少儲存零食
若口痕不妨吃無糖香口膠、或低卡小食如車釐茄、青瓜條等。「做做嚇嘢太沉悶、或無聊得閒嘅時候，腦部冇嘢專注，都會容易諗起食嘢。轉換工作性質、夜晚睇書或做瑜伽等運動，都可以分散對食慾嘅注意」。詹稱遠離零食誘惑比拒絕容易，建議減少家中儲存薯片、雪糕等零食，行超市避免經過零食架，無聊時逛書店、時裝店比逛超市、便利店好。不想看電視時不知不覺多吃零食，可考慮一邊做面膜美容、玩按摩球等，踢走進食慾念。
記者梁麗兒
from:
http://hk.apple.nextmedia ... 160420/19578554
