台灣男星霍建華同林心如好事近，好多網民紛紛去佢哋社交網留言祝賀。有人就搵咗一輯霍建華嘅舊照貼出微博嚟「賀」準新郎，相中嘅霍建華西裝骨骨，同一名全身赤裸嘅女子一齊影，嗰位裸女仲趴喺霍建華身上，其中一張係霍建華靠坐喺梳化，裸女坐上佢個身！仲係重要部位對重要部位！雖然話霍建華「被」擰歪面，冇正面望實裸女個胸，但意識已經非常大膽！
另一款相係霍建華真空上陣，只着一件白色西裝，裸女趴喺佢身上，個反光pat完全係郁一郁就掂得到！
有網民睇完輯相後：「原來我華這麼開放！」亦有人講笑叫準霍太林心如千祈唔好睇，甚至tag佢：「你知道這事嗎？」仲有網民搞笑話睇相就知霍建華對女人冇興趣。
from:
http://hk.apple.nextmedia ... 160707/19684330
