黃心美一姐的Package

心美精通兩文三語，在ViuTV鋪路做金牌司儀。

黃心美（Scarlett）
年齡：34歲
身高：163cm
體重：45kg
ViuTV節目：ViuTV啟播禮、雙宋抵港記招、《瑪嘉烈與大衛》
說起黃心美，可能只記得她是黃心穎家姐。其實心美簽過唱片公司，又在無線做過一年娛樂新聞主播，但覺得性格不合，最終過檔now TV，並順利過渡成為ViuTV合約藝人。心美日前在銅鑼灣受訪說：「好多人問點解唔同阿妹（心穎）一齊，我覺得呢邊啱我好多，我份人性格唔鍾意同咁多範疇打交道，自己年紀唔細，阿妹後生又鍾意拍劇，嗰邊好適合，我成日笑佢份合約簽到做甘草。」心美又感激公司體貼：「公司好遷就我，畀我接出面啲工作行先，我真係唔願走。」

心美為ViuTV招待過雙宋襲港及開台啟播禮，已見過不少大場面。資料圖片
識兩文三語

心美坦言不喜歡八卦，反而被塑造成「金牌司儀」形象，ViuTV啟播禮、雙宋抵港記者會都由她做大會司儀，心美說：「我package就係咁，我識廣東話、普通話、英文，我成日擔心有朝一日人老珠黃皺曬皮出唔到鏡，都可以做活動司儀。如果公司遲啲搞大型選美，我當然希望參與。」

ViuTV暫時只有11位合約藝人，論資排輩，心美稱得上是ViuTV一姐，早前參演《瑪嘉烈與大衛》網上版，她說：「金生（ViuTV製作部副總裁金廣誠）叫我做自己，但我唔識演戲真係好難，公司搵智叔（廖啟智）同我上堂，獲益良多。」

攝影：陳志嵐
場地提供：hmv Bar& Restaurant
化妝及髮型：Dera Tse
from:http://hk.apple.nextmedia ... 160510/19604581

黃心美與視障人士李軒到台灣拍ViuTV節目，舊地重遊。

黃心美與視障人士李軒早前到台灣拍攝ViuTV旅遊節目《暗中旅行》，將於下周三晚10時半播出。心美與前夫Thomas離婚一年多，由於前夫是台灣人，兩人曾在台北居住，心美重遊舊地即哭成淚人，她說：「真係冇諗過返去ex husband住附近嘅地方，導演問我有乜感想就忍唔住喊得好恐怖。分開主要係異地相隔衍生好多問題，其他唔想講太多。」

心美還為李軒而哭，她解釋：「佢只剩一成視力，第一次見佢就自彈自唱自己嘅歌，我已經爆喊，覺得個天好衰，覺得佢好慘，但接觸過後，李軒係一個好正面同積極嘅人，拍完個節目好大得着。」

採訪：嵐山
from:http://hk.apple.nextmedia ... 160702/19678100