現年47歲、1989年港姐季軍梁佩瑚，昨日在三亞跟蒙古商人郭雲飛閃婚，她接受電話訪問時開心說：「我哋識咗好短時間，一個月就決定結婚，因為佢離咗婚想搵老婆，自己又想搵老公，所以一拍即合，我個人好爽快，唔想嘥時間，佢仲細我一歲，呢個歲數又事業有成嘅男士，可能鍾意後生女，第一次見面佢唔發現我咁老，仲大佢一歲，當我講咗畀佢知之後，佢話唔緊要，仲同我講試過同90後交往，嗰啲女仔要買包包，係為咗錢同佢一齊，佢知道我唔係為錢。」
有份出席飲宴的戴辛尉說：「佢哋好恩愛，佢老公做生意成日周圍飛，有時喺香港陪佩瑚，佢老公好有趣幽默，接新娘要佢用廣東話講愛的宣言，圈中人有吳婉芳以契姐身份出席做姊妹。婚禮好多人都喊，佢好感動，佢喺台上多謝雙方父母都眼濕濕。」
採訪：皓騫
曾是港姐季軍的梁佩瑚仍然keep到，不像已47歲。
吳婉芳（右）昨日亦有出席梁佩瑚的婚宴。
from:
http://hk.apple.nextmedia ... 160425/19584762
