嘉玲演舞台劇上癮，正接觸不同劇本，預計來年可以再登台演出。
劉嘉玲、林夏薇、鮑起靜、黃秋生及余安安等前晚現身香港大會堂，出席第25屆舞台劇頒獎禮，當中余安安以《最後作孽》獲得喜劇/鬧劇組別的最佳女主角獎。嘉玲去年以《杜老誌》獲悲劇/正劇組別女主角獎，今年化身頒獎嘉賓，問到她今年會否再演舞台劇，她表示：「唔會，但有傾緊同睇吓劇本，期待2017年會演到，演舞台劇真係會上癮，好似深不可測，冇底嘅！」嘉玲表示想與舞台劇演員合作：「會令演技昇華，所以百老匯嘅演員久唔久都會上番個舞台。」
嘉玲指舞台劇能提升演技，點名讚出身舞台的白只演技出色。資料圖片
安安首次提名就封劇后，她謂慶功宴陸續有來。
演技夠「惡」
嘉玲更點名讚舞台劇出身的白只有「功力」：「最初以為佢係新演員，不過佢喺電影《踏血尋梅》入面，真係演到好似角色嗰個人，真係好驚喜，佢同春夏都係好『惡』嘅演技，即係瞓身去演。」
年底會嫁女的安安今次可謂雙喜臨門，首次提名女主角便封后，她表示已有朋友排隊約食慶功宴：「做呢套劇令我有團火，做完之後我仲去咗外國進修戲劇，嚟緊會再重演，仲會去北京、天津，套劇對白多要閉關準備，壓力好大。」
對於有傳大台早前購入亞視劇集版權，將會新增數碼頻道重播，鮑姐即表示：「咁即係好似亞視嘅歲月留聲台，咁都幾好，可以延續一下。」舞台劇出身的人妻林夏薇一身deep V性感西裝打扮做頒獎嘉賓，她笑言掛念做舞台劇的日子，不過因度期關係未能實現。
採訪：黃曉妍
攝影：陳順禎
from:
http://hk.apple.nextmedia ... 160417/19574237
