林家棟慢熱問鼎影帝

1^# 大中小 young 發表於 2016-4-14 01:24 發短消息

任賢齊、陳小春、林家棟、游乃海及兩位新導演許學文、歐文傑昨晚在尖沙嘴出席電影《樹大招風》舉行的慶功宴，在戲中演賊王的林家棟表示電影上映至昨日，票房已超過400萬已經有交代，他說：「啲人以為套戲會打得好激烈，所以都要慢熱同埋靠口碑等多啲人入場。其實有多啲呢類唔同類型片種，對觀眾係好事。」

對於有人認為家棟今次絕對有資格挑戰影帝寶座時，他說：「多謝，其實小齊同小春都好好。」不過他表示最想電影可以攞最佳剪接獎。另一位賊王小春笑言拍這套戲時每日返家都很倦，因為角色永遠處於亢奮狀態。

採訪：張俊銘
攝影：仇志德
from:http://hk.apple.nextmedia ... 160413/19568424

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-10 07:09 發短消息

林家棟落水底拍打戲

林家棟（圖）、吳國敬、李思欣及范振鋒等噚日喺元朗為牛魔王專門店擔任開幕嘉賓。林家棟成面鬍鬚出現，佢話係電影《狂獸》嘅粗獷造型，仲話為咗套戲去學潛水兼考潛牌：「因為要落9米深拍動作場面，邊學邊拍，都幾好玩。」

家棟講起喺無錫開工嗰陣，話說當地有40度，即使喺水底拍攝都好熱：「戲棚無冷氣，係鐵皮屋，導演病咗成個月，我都病咗兩個星期。」

撰文：馮仁昭
from:http://hk.apple.nextmedia ... 160809/19728276

TOP

3^# 大中小 young 發表於 2016-10-23 21:48 發短消息

林家棟閹割戲被刪

蔡潔在戲中有被林家棟強暴的戲份，她指不擔心男友生氣。

林家棟與蔡潔昨日出席電影《兇手還未睡》女生特別場，林家棟笑言全因為他才有是次的特別場：「因為我喺戲入面又打Janice Man（文詠珊）又強暴蔡潔，比較激少少，好想睇吓女性角度點睇。」問他怕不怕被女性觀眾指罵？林家棟坦言已有心理準備，又自爆原本於戲中有被閹割場面，但最後因尺度問題被刪剪。

蔡潔大讚劇本很貼地，她說：「現實生活中其實好多呢啲事發生。」問她會否與男友王宗堯齊齊欣賞新戲？她說：「唔會一齊睇啦，佢想睇自己買飛啦。」是否擔心男友看到她被林家棟強暴的場面太激會生氣？蔡潔笑謂：「點會着火呀？佢激嗰啲都唔少啦。」

採訪、攝影：盧妹
from:http://hk.apple.nextmedia ... 161010/19795999

TOP

4^# 大中小 young 發表於 2017-7-10 19:03 發短消息

林家棟無緣見林鄭

林家棟和J.Arie昨日在浸會大學出席「DSE放榜打氣大會」，家棟指新任特首林鄭月娥曾於活動前現身，可惜緣慳一面，他說：「我想早啲嚟為電影業界爭取一啲嘢，但係要同電影工作者總會開會，所以遲咗，我想講吓電影嘅工種點同國內融合。」

有傳廣電總局下令禁播古裝劇和偶像劇，家棟說：「唔係，我聽聞網絡劇調整緊，唔好過份性感。」
from:http://hk.apple.nextmedia ... 170709/20083351

TOP

5^# 大中小 young 發表於 2017-8-15 20:08 發短消息

林家棟講泰文似粗口

林家棟在新片中有不少泰文對白，令他食螺絲。

林家棟早前為電影《殺破狼．貪狼》到銅鑼灣接受訪問，他大呻：「成齣戲我得四句廣東話對白，其他都係講泰文，晚晚返去都要練，不過成日要改劇本，有時練咗好似冇練過咁。」

不少泰文發音與廣東話粗口近似，家棟即場示範：「好似泰文『系魔鳩』，即係廣東話『call醫生』，人哋真係咁講嘛，不過拍嗰陣唔好講得太過癮，始終要交代劇情。」戲中他飾演幕僚，所以文戲佔大多數，他說：「我都有食螺絲，試過成頁紙泰文對白，好彩啲泰國crew都話我講得OK，但打同講泰文，我寧願講泰文，Tony Jaa都喺度，何必呢。」

採訪：盧妹
攝影：陳慧安
from:http://hk.apple.nextmedia ... 170811/20117565

TOP