被港女封為男神的劉鳴煒（右），日前現身ViuTV《晚吹》節目，接受幾位小朋友的訪問。電視圖片
【電視執位】黃之鋒日前在facebook透露，原打算邀請劉鳴煒一齊拍攝ViuTV的《跟住矛盾去旅行》，可惜男神最終請他食檸檬，令二人無緣合作。黃之鋒還在facebook自嘲說：「可能嫌我package唔夠佢好啩，so sad。」
以為劉鳴煒吊高來賣？非也，身為青年事務委員會主席的他，原來日前應ViuTV邀請，擔任節目《晚吹》的嘉賓，節目於昨晚11時播出，主題為「一大一路」。節目中，劉鳴煒接受幾位小朋友的訪問，當中有份發問的劉小華（劉皓嵐）問男神說：「有啲人就話你離地，離地到上太空，咁你有乜嘢回應呀？」劉鳴煒笑笑口反問說：「你覺得我離唔離地吖？」訪問期間，劉鳴煒表示自己不認同成功和錢銀掛鈎。
劉小華向劉鳴煒發問時，表現淡定。
有份拍ViuTV節目的Super Girls，前晚到蘭桂坊為曾志偉慶生時，遇到外籍男士忽然除褲。
Super Girls昨日出席ViuTV節目《煮畀BB食》，提議電視台可構思藝人相睇節目。
Super Girls遇露體狂
劉鳴煒忽然貼地現身ViuTV夠驚喜，至於昨日Super Girls亦有參與ViuTV節目《煮畀BB食》的錄影。當談到前晚在蘭桂坊幫曾志偉慶生時，遇正露體狂，Super Girls眾女回想此事時仍猶有餘悸。李靜儀（Heidi）說：「個男人跳起拉住褲頭，我驚佢拎啲嘢出嚟，所以即刻擰轉面。」站在後排位置的Jessica就話：「起初仲以為個男人向佢哋屙尿。」
採訪、攝影：馬建華
from:
http://hk.apple.nextmedia ... 160414/19569882
