林一峰與林二汶兩兄妹前晚在旺角麥花臣場館齊齊開騷，同場有樂隊RubberBand、DJ少爺佔及Donald做表演嘉賓。二汶在台上唱到尾聲心情甚high，沒為意台上有罅不慎墮台，在旁的一峰即扶她起身及入後台，當時已見二汶的左眉角撞爆，不斷流血，工作人員即為她叫白車送院。
二汶前晚與一峰開騷，玩得high high哋。
一腳踏空二汶墮台，一峰（右）即扶胞妹。
二汶眉角不斷流血，工作人員即call救護車。
一峰昨日講述二汶的情況，表示妹妹受傷後見暈原來是因為肚餓。
一腳踏空
二汶到了法國醫院檢查，在等候期間她的左額角已貼上紗布，又不時與友人講笑，又按手機，全程神態自若。
檢查後二汶接受本報訪問：「方才係踏錯腳，結果一腳踏空，就跌咗落去，都唔知自己流血，係哥哥提醒先知，應該冇乜嘢嘅。」問到有否頭暈，她就合十表示：「只係個人慢咗。我冇事，多謝大家關心。」一峰在完騷後表示妹妹無事，更笑言是小劫。
推辭電影
昨早二汶在fb報平安，透露傷口縫了七針，她原定昨日出席梵音歌唱家女尼瓊英卓瑪宣傳活動，最終缺席，由一峰獨力撐場。一峰指二汶要休養：「我個妹去咗急症室之後，其實我係好驚，因為佢話見暈，但原來佢只係肚餓，媽咪send咗幅相畀我，佢話妹妹食得好開心。」他又透露二汶因受傷要取消彭秀慧執導的電影工作，問會否怕她有疤痕，他笑言：「未諗，個人開心就得，同埋佢係靠把聲搵食，喺我心目中，佢點都係好靚。」
採訪：黃曉妍、盧妹、黃曉程
攝影：仇志德、沈健程、羅德光
from:
http://hk.apple.nextmedia ... 160410/19564910
