蔡卓妍單身一人到蘭桂坊出席志偉生日party。
阿Sa最近傳出密會餐廳老闆新歡Hudson，前晚現身圓方出席《GOOD TAKE》首映禮時被追問新戀情，她呼冤說：「總之就唔係，回應咗喇！唔再講喇！」她更斬釘截鐵指不會有發展機會：「唔會，冇回應，大家唔好咁關心我感情世界，關心我就直接介紹畀我，寫我冇用㗎！」不過，她直認朋友有介紹男仔，但沒有人有特別感覺。
跟陳偉霆分手，可否準備接受新戀情？阿SAa說：「我真係唔知，仲未遇到個啱，同餐廳老闆識咗好耐。」Hudson被指連續多個晚上到訪其香閨？她大叫救命：「唔係，我都唔知。」阿Sa強調結婚才會公開，被問到是否結婚後才公開，她即煞有介事說：「5年前我已經改邪歸正。」她指跟過往經驗無關，只是不同階段有不同想法。不過，提到陳偉霆，她即刻封嘴。
另外，應采兒演出單元《不一定》時，正值餵哺母乳期，她說：「有一幕導演叫我着bra top跳舞，嗰時餵緊人奶，不一樣，異常犀利。」
採訪：馬建華
攝影：仇志德
from:
http://hk.apple.nextmedia ... 160414/19570657
