楊怡謙謙羅仲謙古堡結婚全家飛英國見證大教堂拍婚照

羅仲謙和楊怡昨日一出機場已笑着接受在場的傳媒祝福，楊怡戴在左手的巨鑽婚戒非常搶眼。

新婚的羅仲謙和楊怡昨日終於由英國飛回香港，約下午3時半，心情大靚在機場笑住手拖手接受傳媒祝福，但現場混亂，擾攘5分鐘才能做訪問。

榮升羅太的楊怡左手無名指戴上巨鑽婚戒，估計主石約3卡，四邊鑲滿鑽石，sweet爆的她說：「呢啲嘢幾多卡唔緊要。」兩人不肯透露求婚過程，只說是在今年，楊怡感動到喊。問楊怡事前知不知？謙謙搶答：「知道我咪好失敗？」突然結婚是否奉子成婚？楊怡大反應謂：「唔係啩？咁快，我條腰今日好似22吋。」

昨日機場有近百傳媒採訪，一度引起混亂。

（左起）楊卓娜與老公和謙謙的爸爸隨後出閘。

楊怡昨日在微博貼相放閃。

在港補擺酒

問是否已簽紙註冊，他們說：「當去旅行，一行十幾人左右，希望雙方家長見面，有甜蜜、美好回憶。」兩人透露會在香港補擺喜酒，但未必會返圍村。問到當日愛的宣言？謙謙笑言：「講英文㗎喎，唔好啦，𠵱家講會甩甩漏漏。」謙謙解釋為何到英國利茲普城堡結婚：「因為我鍾意英國嘅古典氣氛，同埋我希望太太好似公主咁出嫁。」楊怡冧爆甜笑說：「多謝。」問到婚禮費用？謙謙說：「唔重要啦，最重要係令太太開心就OK。」

楊怡直言仍未習慣被叫羅太，問她與無綫續約成數時，她搞gag謂：「今年擺酒成數一定高。」是否趕生B？她說：「都唔係咁急啫，順其自然。」謙謙補充：「我太太都唔急我急乜嘢？」謙謙之後要出外開工，可擔心新婚就分開？楊怡說：「幾好吖，我唔使偷偷摸摸。」二人承認已同住，臨離開謙謙應記者要求錫了楊怡額頭兩次，之後一齊返將軍澳寓所。

有讀者透過本報「爆相爆片」，影到羅氏夫婦前晚現身英國希斯路機場。

讀者提供圖片
返家後，楊怡立刻更新微博再放閃，貼二人手牽手的婚紗照並寫：「將踏入人生另一階段，謝謝你從此牽着我走……」胡定欣、胡杏兒等留言祝賀。之後羅仲謙回覆：「羅楊怡，謝謝你的愛。」

另外，讀者Man昨透過本報「爆相爆片」，提供一張羅氏夫婦等前晚6時許在英國希斯路機場的相片，Man透露他們乘坐的並非經濟客位。

採訪、攝影：黃曉妍、畢紹基、馮嘉銘、葉君海、黃曉程、吳耀輝、徐錦池
from:http://hk.apple.nextmedia ... 160328/19546958

新婚的羅仲謙同楊怡，昨日終於由英國飛回香港，兩日拖手現身機場，謙謙更不時主動搭住楊怡肩膊，非常sweet！

雖然兩人冇刻意配襯造型，不過就同樣穿上近期大hit的adidas NMD波鞋，非常緊貼潮流。謙謙着上黃色NMD波鞋，配襯黑白色Appe by Bathing Ape外套，再加一個黑色大backpack，一身潮童造型；楊怡就以黑皮褸及闊腳牛仔褲，襯灰色NMD波鞋，揹了一個拼色Celine Trapeze手袋，架上黑超，大晒手上份量大足的鑽戒，好閃！

更多時尚新聞，即上：http://add.appledaily.com
from:http://hk.apple.nextmedia ... 160328/19547417

羅仲謙唔識冧女？你呃人，講大話！

羅仲謙同楊怡早前喺英國秘婚，昨日返港接受大批傳媒追訪，返屋企冇耐就喺微博到po咗張婚紗相，仲寫住「羅楊怡！謝謝你的愛」。嘩！冠埋夫姓喎，就算佢哋對註冊一事模稜兩可都好啦，其他人都叫你羅生羅太㗎喇！

楊怡都喺微博Po同一張婚紗相話「將踏入人生另一階段，謝謝你從此牽著我走......感謝大家對我們的祝福」，真係好sweet呀！

早前謙謙更加被發現ig淨係follow咗楊怡一個，昨日淨係講「羅楊怡」呢三隻字，已經冧爆老婆喇，之前仲話唔識o氹女仔喎！所以話，越係話自己唔浪漫嘅人，通常先係最浪漫。

最近有唔少網民表示女友都要求自己學謙謙咁，淨係follow自己一個，你話謙謙你係咪做壞規矩.......
from:http://hk.apple.nextmedia ... 160328/19547418

【後日約滿】
將於兩日後約滿無綫的楊怡，只預昨日一天檔期給無綫谷新劇。

剛升呢做羅太的楊怡，前日拖老公羅仲謙由英國甜蜜返港，昨日已變身古裝人，去荃灣出席無綫的新劇宣傳。之前有傳楊怡因要結婚，只肯放昨日一天檔期予無綫谷劇，原來這次更是她約滿前最後一個工作，事關她與無綫的合約至後日便結束。距離兩天便回復自由身的楊怡，之後會做跟得夫人，陪老公羅仲謙到北京發展，連續兩日都避答續約問題的楊怡，昨日更曲線認約滿會即走：「呢個圈好細，總有一日會再合作。」

本報上周五獨家踢爆楊怡與羅仲謙，齊齊瞞公司秘密飛往英國肯特郡利茲普城堡（Leeds Castle）註冊結婚，兩人前日下午手拖手甜蜜返港，楊怡戴了大大粒閃爆鑽石，應傳媒要求在機場錫完再錫晒恩愛，被問到是否不續約為了趕生B，楊怡表示生B會順其自然，但沒有正面回答是否續約，原來她與無綫的合約至本月底完結，即距離現在只有兩天。

「總有一日會再合作」

近年TVB出現花旦荒，不少花旦嫁人後陸續離巢，楊怡於2012年雖然揮底鍾嘉欣封視后，但有感近兩年公司改朝換代，即使她向來無黨無派，但隨着余詠珊掌權捧昔日合作的有線藝人，楊怡有感不被重用，加上老公謙謙獲公司星皓力捧，未來日子大多數時間都會留在內地開工，楊怡終決定嫁雞隨雞，約滿後隨謙謙返內地搵食。

【派定心丸】
有指將到內地發展的謙謙趕結婚，是為了給楊怡派定心丸。資料圖片

【公司力捧】
羅仲謙（右）獲星皓力捧，早前更夥拍城城拍《西遊記之孫悟空三打白骨精》。劇照

楊怡昨日獲大批粉絲撐場兼祝她新婚愉快。

據知為力挽楊怡續約無綫亦出盡法寶，先後派出樂易玲、余詠珊及杜之克游說，知她希望打開內地市場，即以4月開拍的內地劇給她擔正作餌，希望她肯續約5年，但楊怡並未心軟答應留低。昨日楊怡出席活動時再被追問續約有何進展？她最初說︰「仲有啲細節，𠵱家冇一個答案，但去到邊對TVB個心冇變。」接着她再補充：「唔理以後喺唔喺TVB，呢個圈好細，總有一日會再合作。」曲線承認會跟無綫講拜拜。

【恨攻內地】
希望打開內地市場的楊怡，在2011年曾拍內地劇《後宮》。劇照

楊怡與無綫前經理人嘉莉（右）感情很好，有傳她們將合作自組公司。微博圖片
年尾擺酒唔急生B

問楊怡是否會返內地發展兼陪老公做跟得夫人，她笑說︰「去內地發展對藝人係好事，可以多方面發展，喺內地發展都好㗎，可以打開內地市場嘛，我冇工開嘅時候都會去探班，可以睇吓自己覺得喺嗰度開工有冇問題。」而事實上，謙謙下月便會去北京為他擔正的電影《泡沫之夏》做內地巡迴宣傳，稍後好大機會接拍在北京拍攝、寰亞投資、梁家樹監製的網劇《無間道》，如果事成就會於5月開工，所以楊怡約滿後便可全程黐住老公享受新婚生活。

無綫曾派出余詠珊及杜之克（右）游說楊怡續約。資料圖片

偉仔（左）與華仔主演的《無間道》將開拍網劇，謙謙有望演出。劇照
另外，楊怡又透露返港後被同事追問為何沒有派餅，她笑言：「一定會派，只係未準備好，擺酒預計喺今年年尾。始終係人生重要時刻，想揀個好地方，唔想草草了事。」她又表示會邀請圈中好友任姊妹團。問她可有被家人催生B？楊怡認為小朋友是天賜禮物，會順其自然，並不心急。至於，有傳與楊怡離巢後，會與前無綫經理人陳嘉莉合作組公司，嘉莉昨日接受本報電話訪問說：「阿怡仲同TVB傾緊合約。」

採訪：鍾國仁
from:http://hk.apple.nextmedia ... 160329/19547773

羅仲謙和楊怡大前日甜蜜返港，但死口不提求婚細節。資料圖片
現年36歲的楊怡，上星期嫁給31歲羅仲謙成為人妻，大前日他們手拖手甜蜜返港，惟兩人皆不肯透露求婚詳情，只說是在今年發生。不過，昨日有周刊爆料，指謙謙其實於去年8月楊怡生日當天求婚，兩人當時在台灣旅行，謙謙在天燈上寫上求婚字句及愛的宣言，最後再拿出求婚戒指向楊怡求婚，獲楊怡一口答應。

事實上，楊怡與謙謙拍拖以來一直被指女尊男卑，報道更指出道多年已手揸三個共值約二千萬物業的楊怡，今次出嫁沒有收男家禮金，謙謙只需負責去英國影婚紗相的行程費用便可以。

撰文：李察
from:http://hk.apple.nextmedia ... 160330/19549308