方力申與鄧麗欣十年童話忽然告終方力申拒婚即分

【自我麻醉】

小方精挑酒精濃度高的酒，準備灌醉自己。讀者提供圖片
【爆相爆片】方力申同鄧麗欣（Stephy）拍拖10年，上周四突然透過經理人公司發聯合聲明宣佈分手，小方前日出席活動獨自見記者時兩度灑下男兒淚，承認雙方「有問題解決唔到」。

昨日讀者陳先生透過本報「爆相爆片」，指小方昨日在跑馬地Hong Kong Football Club的私人會所做完運動，即買酒準備買醉。片中見到頭戴鴨舌帽、全身黑衫黑褲的小方木無表情，與一名男性友人同行，隱約聽到Sales姐姐說：「兩隻唔同味，Tequila淡啲。」陳先生在電話補充說：「佢（小方）原本想揀Tequila，諗住啃啲，但最後都係揀咗支220蚊嘅紅酒，嗰支酒約14、5度。仲聽見佢（小方）問『呢支酒啃唔啃？勁唔勁？我哋攞嚟隊酒嘅。』逗留15分鐘就走咗。」問陳先生是否第一次在Club遇見小方？他說：「唔係，都見過幾次，但就唔係常客。今日喺健身房就見到佢玩跑步機同舉重，全程都冇乜嘢表情同揦埋口面。」

【揀高濃度】

小方問店員姐姐邊款酒「最啃」。

【老友相陪】

失戀小方昨日約老友做完運動之後還一齊買酒。

Stephy半年前離愛巢

昨日有報道指今次是由Stephy提出分手，由於Stephy近年銳意開時裝店做老闆，又找到品牌替她搞排球隊，一直為夢想打拼，反而小方較安於現狀，兩人開始意見分歧。到去年8月拍葉念琛執導的《紀念日》時，很多難以磨合的劇情都是兩人提供，促成分手導火線；至半年前Stephy搬離兩人位於碧瑤灣的愛巢，並於本月9日，即兩人拍拖10周年分手，箍煲不成的小方難怪要借酒澆愁。

採訪：嵐山

小方前日出席活動講及與Stephy分手時，兩度流下男兒淚。資料圖片

有指獲贊助辦排球隊的Stephy事業心重，向小方提出分手。資料圖片
From:http://hk.apple.nextmedia ... 160320/19536755

方父讚兒子小方（小圖）孝順，從未在他面前因情傷流淚。

方力申父親方毓仁早前傳出要入院做手術，方力申和鄧麗欣（Stephy）打算結婚為方父沖喜，可惜言猶在耳，二人戲劇性地結束十年情。

昨日方父到金鐘出席中國藝術展開幕禮，只見他說話時中氣十足，精神頗佳。對於小方和Stephy分手，他直言和兒子任何事都無所不談，惟獨感情事卻不會過問。方父坦言：「嗰啲就唔傾啦！我個仔都三十幾歲人，仲傾呢啲咩！」談到他以往一直疼錫Stephy，會否感到可惜，方父坦言：「我個個都錫，個個都好！」對於兒子日前回應分手時，一度痛哭，方父說：「佢當我面從來冇喊過，佢好孝順，唔使父母為佢操心，佢為我操心就有！」

採訪：羅慧敏　
攝影：陳順禎
from:http://hk.apple.nextmedia ... 160323/19540464

Stephy去年9月帶隊到台灣集訓時結識排球教練小牛鄧衍敏。互聯網圖片
鄧麗欣（Stephy）和方力申（小方）結束十年情，有指「死因」是男方不思進取，亦有指他拖足十年不賜名份。事件沉澱一周，「真相」逐漸浮面，上周四二人宣佈分手時，Stephy早已飛往外地，被《壹週刊》拍到在台灣蜜會TB鄧衍敏（小牛），更遊勻台中及台北，小牛對Stephy大獻殷勤，餵食攬腰做到足，當好事被記者撞破，Stephy即尷尬黑面！

鄧麗欣和方力申上周四公佈分手，震撼全城，翌日小方出席活動時兩度落淚，表示Stephy已傳短訊給他說：「唔好意思，要你一個人面對。」的確，當晚Stephy已隻身飛台灣，會合在當地一所大學擔任女排教練的32歲TB新歡小牛，留下前度男友獨力面對傳媒。

《壹週刊》拍到Stephy與小牛蜜遊台灣。

小牛在Ig貼上集訓照片，亮點卻在留言上：「我很感恩！希望細水長流！」

被記者撞破後，Stephy面燶燶兼尷尬，小牛則以手遮面。

甜蜜攬腰餵食

據周刊所指，Stephy為避傳媒刻意更改航班，當晚飛抵台北時已是凌晨3時，駕着黑色Mini Cooper的小牛早已在機場等候，上車後，車子直駛往台中。在台中的三日兩夜，Stephy最初顯得避忌，外出時戴口罩及cap帽，與小牛的態度顯得拘謹，直至第三日才放下戒備，兩人自拍時，Stephy才肯拉低頸巾及口罩，肩貼肩影相，小牛更輕攬女方纖腰，狀甚甜蜜。今次的行程中，小牛對Stephy盡顯細心，主動為對方搬行李，二人在台北的食店醫肚時，小牛更親自餵食，Stephy表現受落。

兩人公佈分手後翌日，小方獨力面對傳媒，其間兩度流淚。資料圖片

小方和Stephy未分手前，Stephy每次集訓，小方都會替她打點。互聯網圖片

半年間，Stephy和小牛頻頻見面，早前二人更和區文詩及楊愛瑾到日本旅行。互聯網圖片
「希望細水長流」

經過新歡連日的慰藉，心情愉快的Stephy和小牛到公園散步，索性口罩都沒戴，且笑容滿面。當記者上前追問Stephy是否有新歡時，遭撞破蜜事的她即尷尬黑面，謂沒有和小方聯絡。對於新歡，Stephy則避忌地說：「係台灣朋友，朋友先嚟照顧！」

有指Stephy和小方去年8月尾拍《紀念日》時關係急轉直下，Stephy更搬離愛巢，9月初，Stephy率自家排球隊「Loey」到台灣集訓，其間結識排球教練的小牛。當時小牛接受電視台訪問，直指Stephy態度友善，Stephy亦回敬指對方雖然嚴厲，但在她身上學到很多排球戰術。由於二人有共同嗜好，發展一日千里，小牛更在Instagram貼與Stephy的打排球照片，更留言：「我很感恩，希望細水長流！」

自此Stephy頻頻到台灣和小牛見面及慶祝生日，甚至不避嫌帶新歡和餅碎等好友認識。直至11月，Stephy主動向小方提出分手，但經小方挽回後，二人協議用三個月時間，給雙方一個緩衝期。這段時間，有指小方為挽回感情，曾和Stephy到外地旅行箍煲，但去意已決的Stephy決定斬纜，十年情告終。女友嗌分手，難怪小方在宣佈「分訊」後，被本報讀者影到和友人揀酒買醉。

吳雨霏（Kary）昨到中環出席MCM活動，對於Stephy和小牛傳斷背，她說：「相信佢哋係朋友，可能啱啱分手，有啲揣測比較敏感。」問到見過小牛嗎？Kary說：「我見過佢一次，但唔熟。」有否覺得小牛對Stephy有追求之意？她說：「其實我嗰次見面好短暫，唔覺得有嗰種感覺，其實都係朋友啦。」

新歡餅碎都識

對於Stephy轉軚蜜會TB，昨日其經理人在電話表示：「相中朋友係排球教練，兩個係好好朋友，並非雜誌形容關係，之前聲明提及不涉第三者，今次Stephy到台灣搞服裝品牌公司生意，27號返港會同大家交代。」至於Stephy好姊妹區文詩（Angela）和楊愛瑾（Miki）回覆本報時異口同聲否認Stephy戀TB，Angela說：「唔係真，唔關第三者事，我哋全部人都識呢個女仔。有時我都餵Stephy食嘢，佢（小牛）只係盡地主之誼。」Miki亦說：「我覺得小方同Stephy拍咗拖咁耐，唔會咁容易有第二個人出現。」兩人的恩師黃柏高和葉念琛均對事件不回應。

採訪：王梓嫚、皓騫、楊定、卓寶花
from:http://hk.apple.nextmedia ... 160324/19541890

剛分手的小方在黃大仙食早餐，身邊有同性友人相伴。讀者提供圖片
【爆相爆片】方力申和鄧麗欣（Stephy）的十年情逝，之前傳因小方不思進取兼沒結婚打算才令Stephy死心求去，雖然兩人在聲明指分手不涉第三者，但Stephy跟疑似新歡同遊台灣被斷正，對方是排球教練鄧衍敏（小牛），兩女傳出斷背情。

小方對舊愛忽然轉「性」沒作出回應，他昨日被本報讀者鄭小姐透過「爆相爆片」捕獲，巧合地小方又是孖同性男友人約會，鄭小姐在電話說：「今朝10點幾，喺黃大仙現崇山商場見到小方，佢同朋友食早餐，個樣都幾頹。」戴cap帽的小方邊食邊睇手機，木無表情，不知是否在看關於Stephy跟小牛的斷背緋聞呢？

採訪：皓騫
from:http://hk.apple.nextmedia ... 160325/19543874

【昨日首談分手】

鄧麗欣分手後昨首現身剖白，指與小方拍拖十年來有好多問題很難解決，更兩度落淚喊到鼻都紅了。

鄧麗欣（Stephy）和方力申的十年情已逝，Stephy被爆疑忽然轉「性」有斷背新歡，跟排球教練鄧衍敏（小牛）蜜遊台灣，昨日一對舊情人先後現身機場，卻無緣相見似真的緣盡！由台返港的Stephy自分手後首開腔，兩度落淚喊到鼻紅紅，澄清小牛只是普通女性好友，自己跟小方能否復合只能隨緣，對於小方分手後借酒澆愁，Stephy黯然說：「知道佢身邊有朋友陪佢傾訴！」

現年32歲的鄧麗欣和36歲的方力申未能好好戀愛，於本月17日發聲明宣告十年情告終，之前傳小方沒計劃結婚兼不思進取令Stephy心死求去，怎知日前驚爆Stephy疑有斷背新歡，跟排球教練小牛蜜遊台灣攬腰餵食。昨午5時許，Stephy結束台灣之旅抵港，分手後首接受傳媒訪問，戴黑超着黑長褸的Stephy神情凝重，面容憔悴。

「未有時間消化」

Stephy先交代分手後行蹤，她說：「其實喺發表聲明前幾日已經離開香港，想搵地方畀自己消化件事同清醒吓，頭幾日自己唔敢睇報道，之後睇番報道同粉絲留言，知道大家好擔心。」講到分手，Stephy眼紅紅忍淚聲顫：「要回應呢件事唔容易，發生好快，喺決定分開同公開，自己未有足夠時間消化！感情始終係兩個人嘅事，咁多年要三言兩語分析好難，喺大家眼中可能覺得我哋係童話，但喺我哋真實感情裏面，我哋都好似一般普通情侶面對好多問題，當問題累積好難解釋畀大家知，變咗好難解決一件事。」


Stephy行去停車場時，被數十傳媒追住，場面一片混亂。

問到小牛是否最大問題？Stephy澄清說：「今次去台灣除咗放假，仲處理排球嘅事，佢只係身邊一個好普通女性朋友，大家應該用正常角度去睇，件事就唔會咁複雜。」會否擔心被誤會同性戀？她說：「其實我完全冇諗呢樣嘢，因為我角度佢只係其中一個好好女性朋友，大家唔好揣測太多，除咗傷害我哋兩個，仲傷害身邊朋友，因為始終感情兩個人嘅事，要消化處理。」

跟小牛有否發展機會？Stephy再次強調：「佢只係好好朋友，我哋可以話亦師亦友，嚟緊有排球拍攝需要佢指引，保持友好關係。」問到跟小方復合機會？她說：「將來嘅嘢隨緣，暫時我覺得可以做好好朋友，亦都希望我哋會繼續工作，希望我哋關係會保持好好。」小方認識小牛嗎？她說：「冇正式介紹過，因為排球喺9月集訓，當時小方都知呢件事。」問到覺得小方會否相信她跟小牛清白？Stephy說：「我同小方呢段時間雖然冇乜聯絡，但我覺得我哋有共識。」

小方聞小牛黑面

有指她跟小方於2月曾去旅行箍煲？Stephy否認：「當時唔係乜箍煲旅行，只係大家都去台中，有私人事去兩日。」再問分手是否不涉第三者？她說：「聲明、我嘅文章同小方都講過唔涉第三者，分手係我哋一齊決定。」對於小方日前被本報讀者「爆相爆片」目擊買酒借醉澆愁，Stephy說：「我唔信會咁，知道佢身邊有朋友同佢傾訴同陪佢，我都認識佢啲朋友。」問返港後會否跟小方聯絡？她說：「會搵適當時間，我都要唞一唞。」Stephy結束訪問後行去停車場，其間終忍不住兩度掉淚，喊到鼻都紅了。

至於舊愛小方昨亦現身機場，於下午2時許在助手陪同下飛長沙工作，兩人前後腳同處一方卻無緣相見，似乎緣份真的盡了！小方被傳媒問到知否Stephy返港？他說：「知，我哋同公司㗎。」追問Stephy跟小牛的斷背緋聞，小方黑面說：「唔回應啦！」

採訪：黃曉妍、黃曉程
攝影：葉君海、徐錦池

小方日前獨自在記者會上講分手時灑淚。

Stephy被傳跟排球教練小牛（右）斷背，兩人蜜遊台灣斷正。

Stephy和小方的十年情已逝，她指二人能否復合要隨緣。資料圖片
From:http://hk.apple.nextmedia ... 160328/19547048

【本月19日】
方力申與鄧麗欣宣佈分手至今11日，二人先後現身向傳媒交代，其間Stephy去了台灣會鄧衍敏，小方在港會朋友買酒食早餐，各有各生活。

【本月17日】

小方與Stephy透過經理人公司太陽娛樂發聲明，宣佈二人和平分手，結束10年情。

【18日】

小方現身慈善活動，灑淚透露與Stephy決定分手一刻齊齊落淚，Stephy同晚飛走台灣。

【19至22日】

Stephy留台期間與TB排球教練鄧衍敏過從甚密，被影到被餵食肉糭兼有攬腰親暱動作。

【19日】

小方與男性友人在跑馬地私人會所做運動後，與友買酒隊。

【22日】

方爸爸方毓仁出席藝術活動為兒子和Stephy分手解話，表示不過問二人感情事，自言一直疼錫Stephy。

【24日】

小方與男性友人在黃大仙頹樣食早餐。

【昨日】

小方出發到內地長沙工作，同日Stephy由台灣返港交代分手。
from:http://hk.apple.nextmedia ... 160328/19547055