細細粒昨日在fb上載短片道歉。互聯網圖片
陳嘉佳（細細粒）前日在黃埔違例泊車被屋苑保安員鎖車，她情急下跟對方起爭執，細細粒接受本報訪問時提起座駕被鎖顯得十分勞氣，她衝口而出說：「你明唔明呀？好過份呀！激死！我去對面買個包，佢搵人鎖咗我架車喎，我真係好嬲呀！冇可能15分鐘就搵人鎖我架車嘛，佢連warning都冇畀我！」事件曝光後，不少網民均認為細細粒做錯兼「惡人先告狀」。
「千祈唔好學我」
細細粒經過一晚反思之後，昨日她在fb上載了一條片道歉：「你明唔明呀？好過份呀！你違例泊車15分鐘，仲喺度惡人先告狀，嘩！你自己冇錯，有冇搞錯呀！15分鐘你知唔知道你影響咗幾多人呀！你影響幾多交通，小朋友呀！你唔識得泊車入停車場嘅咩，喺度違例泊車仲咁大聲，你知唔知錯，小寶，錯你就要企定，明唔明？」
在片尾，她再次真誠向大眾致歉：「對唔住呀！各位，我今次真係做錯咗，所有大朋友小朋友，你哋記得千祈千祈唔好學我，做個奉公守法嘅好市民，今次我亂咁泊車，仲咁大聲話人，真係對唔住，對唔住，對唔住。」
另外，細細粒昨日出席新劇記者會被阮兆祥取笑她「原封不動」，事後細細粒被追問是否處女，她說：「你估我想嗎？我就快31歲，但冇男友嘛，我都想結婚生仔。」
撰文：非非
細細粒（左）前日在黃埔因鎖車事件與保安員理論。資料圖片
細細粒昨日表示就快31歲，很想結婚生仔。
from:
http://hk.apple.nextmedia ... 160528/19630735
