前晚一集宋仲基man爆地咀嘴喬妹，刺激收視升至24.1%。
由宋慧喬及宋仲基主演的KBS劇集《太陽的後裔》前日播出第4集，劇情講到宋仲基不理上司指令，拜託喬妹救人，因不服從命令而被停職及閉關，不過就令喬妹非常感激他，二人重新開始了解對方。當喬妹一邊飲紅酒一邊透露自己心聲時，她問宋仲基：「是否想飲酒？」宋仲基就深情地望實喬妹並上前咀嘴對方，充滿男人魅的舉動令劇迷睇到尖叫，刺激收視上升至24.1%，蟬聯同時段劇集的收視冠軍。而Rain主演的《回來吧大叔》就以5.5%排第二，張娜拉的《再一次Happy Ending》就跌至新低3.7%。
宋仲基拍劇受傷，至今仍未完全痊癒。
另外，宋仲基早前因拍劇受傷，原來其傷勢仍未痊癒，其事務所表示：「手腕處的石膏繃帶雖然已摘掉，但因骨折加上膝蓋處負傷比較嚴重，在痊癒之前須要一直接受康復治療。」
撰文：梁雯迪
from:
http://hk.apple.nextmedia ... 160305/19516793
