Supper Moment認為盡力去愛廣東話，已經足夠。攝影：陳志嵐
廣東歌可以去到幾遠？成軍10年的樂隊Supper Moment話完全零宣傳歌曲都可以去到加拿大，甚至奪得加拿大電台最喜愛粵語樂隊：「可以見到自己張相去到咁遠嘅地方，覺得好神奇！」一向沒有大唱片公司背景的Supper Moment，直指做音樂應該要最純粹的心，不要太多計算，只是想做好音樂，這樣反而能創作出最能打動人的音符，是否廣東歌反而是其次，最重要是有自由去講香港這個家的故事，「其實創作上不論廣東話、英文、普通話，甚至泰文都得，最緊要代表到呢個地方。」
Supper Moment人氣急升，在剛過去的頒獎禮上屢獲獎項。
「廣東話已經係一個文化」
沒有強烈的捍衞廣東歌意圖，Sunny直言：「我哋認為唔需要刻意去捍衞，因為有好多人講廣東話，佢已經係一個文化，唔需要為一個文化而去捍衞，我哋只需要盡力去愛佢。」今日出碟《The Moment》的Supper Moment希望不只廣東歌要支持，連樂隊的存在都能成為樂壇平常事，阿達稱：「我哋上到內地表演，講唔到普通話咪用廣東話，佢哋聽唔明我哋又唔明，咁咪開開心心過咗一晚。」
撰文：曹家誠
最常唱廣東歌：張國榮《追》
Supper Moment：呢首係我哋Cover得最多嘅歌，林夕嘅詞寫得好有意思，編曲亦都好深奧，成件事一氣呵成，逐句都有畫面，而且好影響到我哋日後嘅創作同演出。
from:
http://hk.apple.nextmedia ... 160123/19463444
