麥包是無線高層珍姐愛將之一。資料圖片
現年48歲的麥長青（麥包）演技出色，他效力無線28年，由閒角捱出頭，至2010年才憑劇集《巾幗梟雄之義海豪情》的警官梁非凡一角摘下《萬千星輝頒獎典禮》的「最佳男配角獎」。可是這個獎並未為麥包帶來升上一線孭飛開劇做男主角的機會。
得罪珍姐的江美儀（圖），卻獲無線高層杜之克力撐解凍，下月開新劇做女主角。資料圖片
杜之克
無線高層權力鬥爭下，黃智賢冷手執個熱煎堆，頂替麥包做新劇男一。資料圖片
黃智賢頂上
無線戲劇製作總監曾勵珍一直賞識麥包，據知監製關永忠將於下月開時裝劇，有意搵麥包做男主角，麥包見了監製還度好檔期，可是卻臨門撻Q，麥包連角色都被抽起，由黃智賢執二攤，新劇女主角則是曾被傳得罪珍姐冇劇接的江美儀。有指這次男女主角卡士重新執位，主要是無線助理總經理杜之克與珍姐不咬弦，麥包成為高層權力鬥爭的犧牲品。
麥包做男主角夢碎，他前晚接受記者電話訪問時，無奈的說：「我係覺得失望、失落同沮喪，成件事我係幾失落。呢個始終係一個機會，有機會畀自己試嚇，點知公司突然又話另有安排，佢哋話撞咗期，有時啲嘢真係要天時地利人和。」食詐糊麥包只得自我安慰：「換角成日都有發生，我哋做演員係好被動，機會係人哋畀，其他嘢控制唔到。我惟有再等，都等咗咁多年啦。」
問到新劇角色由黃智賢取代，麥包大方表示不介意。對於有傳麥包是高層之間權力鬥爭的犧牲品，麥包說：「係咪鬥爭我唔知，只知公司另有安排。」麥包跟無線的合約到今年底，他未決定去留問題。記者再找黃智賢回應，他避談：「唔回應啦。」
採訪：陳傑
from:
http://hk.apple.nextmedia ... 160121/19459806
