黃宗澤（Bosco）的父親黃廣義，早前因肺癌離世，享年72歲。黃父昨日在世界殯儀館明樂堂設靈，喪禮以佛教儀式進行，今早11時出殯，遺體將移送歌連臣角火葬場火化。
Bosco的父親黃廣義（左）昨日舉殯，喪禮以佛教儀式進行。
Bosco透露父親臨終前囑咐他們要健康，好好照顧自己。
帛金捐獻行善
Bosco一歲時父母離異，之後父親再婚，但作為家中獨子，Bosco昨日下午3時半已抵達殯儀館幫手打點，可是未見其母同行。戴住黑超的黃宗澤一身黑色素服現身，神情哀傷；黃父離開當日，Bosco因為身在杭州拍劇，未能送亡父最後一程，他曾在網上留言自責是不孝子。問到現在心情是否已平復？他說：「好咗好多喇，呢段時間好多朋友都驚我一個人，都約我出嚟食飯。」是否走得好突然？他說：「都係。」
Bosco透露帛金將捐到香港癌症基金，問到是否爸爸遺願？他說：「呢個係一家人嘅決定。」Bosco續透露家人早前已經準備了陪葬品，是黃父生前穿的衣服；問到黃父生前在中環區的花店生意怎樣處理？Bosco說﹕「佢退咗休，冇乜所謂。」黃爸爸臨終前有沒有甚麼囑咐？Bosco說：「冇乜，爸爸最大心願，就係希望我哋健健康康，叫我哋好好照顧自己。」喪禮完畢後，黃宗澤表示會先休息一段時間，他說：「唞嚇，1月會再喺香港拍嘢。」
傍晚6時許，Bosco安排小食予在場傳媒，而黎耀祥、梁烈唯、陳志健與太太亦有到場致祭，黎耀祥說：「我唔認識Bosco爸爸，但我同Bosco合作過，覺得呢段時間係好需要朋友支持同慰問，加上自己係過來人，父母都唔喺度，知道如果朋友有嚟心情會好啲。」他透露明天要返大陸工作，會再抽時間約Bosco食飯。
至於梁烈唯則說：「知道佢（Bosco）一路好努力搵錢幫爸爸醫病，但佢唔係成日講，佢都好堅強，但有次食飯講到健康重要性，講到佢爸爸個病都好擔心，要好龐大醫藥費。做朋友幫唔到啲乜嘢，但要畀佢知朋友一直係身邊。」
採訪：黃曉妍
攝影：陳俊
黎耀祥表示自己是過來人，知道至親離世，好需要朋友在旁支持。
Bosco一歲時父母離異，母親昨日未有現身。資料圖片
From:
http://hk.apple.nextmedia ... 151231/19432672
