Super Girls日前充當一日清潔工人，返公司幫同事大掃除。
年廿八洗邋遢，為慰勞宣傳人員過去一年的辛勞，組合Super Girls其中四位成員趙慧珊（Aka）、李靜儀（Heidi）、陳穎欣（Yanny）及蔡明思（Jessica）決定充當一日清潔工人，回到公司幫同事大掃除。四人各持不同「架生」為同事清潔公司，不過當正式打掃時，她們顯得有點雞手鴨腳，Yanny更搞笑地拖着未插電掣的吸塵機，扮聲當自己正在吸塵。四女努力了10分鐘後，Heidi、Yanny及Jessica先後放棄，到房中休息嘆零食，淨下Aka一個在努力掃地，她苦笑說：「平日鏡頭後我就係咁慘。」Jessica則反駁謂：「其實係平日喺我哋幫Aka執得手尾太多，大家唔好俾佢呃到。」
問到四人過年時有何特別習俗？身為澳門人的Aka，表示希望能帶幾位好姊妹到澳門一同放煙花：「因為煙花射得越高、開得越大就代表未來一年運氣越好，所以我希望Super Girls未來一年發展更好。」她們四人又指成員Cheronna都會特製自家蘿蔔糕送她們，令為食的她們很期待。
採訪：譚倩宜
攝影：陳志嵐
from:
http://hk.apple.nextmedia ... 160206/19481575
