《東網巨星》App傾力炮製的遊戲節目《巨星放題》決賽第一回合已經推出，戰況愈趨緊湊。四位進身決賽的藝人周秀娜、連詩雅、陳瀅及楊詩敏，面對三位星級考官的難題可謂絞盡腦汁。經過連番激鬥，長腿女神連詩雅以最佳成績暫時領先。最後一集鹿死誰手，邊個登上終極「放題IQ王」寶座呢？
連詩雅轉數快，於《巨星放題》決賽暫時領先。
中2題半
最強娛樂資訊App《東網巨星》推出的《巨星放題》掀起全城熱話，順利進身決賽的四位藝人分別是周秀娜、連詩雅（Shiga）、陳瀅及楊詩敏（蝦頭），決賽將會以兩個回合進行，第一回合已經完結，三位星級考官「Dr.吹神」陳奕迅、「Miss Kay」謝安琪及「Professor Hins」張敬軒繼續發問，尤其是軒仔的冷知識題目頗為深奧，考起四人。
汽水蓋點解有21個鋸齒？
軒仔問：「汽水蓋上面點解有21個鋸齒？」陳瀅聽罷即刻（ｒ）頭搞笑亂答：「因為支汽水係$2.1！」蝦頭亦很快思考完搶答：「防止空氣入去？容易啲開？」反而Shiga最醒答出：「三嘅倍數！」軒仔指原來根據力學原則，三點穩定性來得鞏固，所以要三的倍數，令樽口同樽蓋緊密結合，飲品裡面的二氧化碳不會流出，見周秀娜一臉茫然，陳瀅則笑笑口謂：「依家知道。」
陳瀅
中1題
周秀娜
中1題
蝦頭
中1題
謝安琪的問題是：「邊位女演員獲得最多次香港金像獎女主角？」活潑的陳瀅不忘搞笑手指自己，不過今次她最快答出正確答案：「張曼玉。」蝦頭最先衝口而出說：「蕭芳芳。」幸好之後糾正是張曼玉，周秀娜及Shiga都答中，原來張曼玉已經攞過五次金像影后，相信電影痴的朋友都估到答案。
最新一集《巨星放題》於《東網巨星》率先播出。
王君馨平時愛玩IQ題。
許廷鏗都想玩埋一份。
「羽毛球」原來係風扇
最後一題由Eason手執一個白色羽毛球狀的道具發問：「究竟呢個嘢係乜嚟？」蝦頭、周秀娜及陳瀅都知道答案不會咁簡單，都疑惑問：「羽毛球？」Shiga細心發現：「膠做嘅，有個摺口？咁似電子風扇！」果然給她估中。Eason笑說：「我都唔知，要研究嚇。」隨即掹開啟動風扇兜面吹，仲搞鬼對住風扇依依哦哦似唱歌。
經過三關考驗，Shiga表現最突出，連續答中兩題半，成績暫領先其他三人。下一集四人將進行終極一戰決生死，大家又怎能錯過！想欣賞這刺激緊湊一集，可即click入《東網巨星》App，在廣告位置click入第九集《巨星放題》，就可以睇到精彩決鬥。
文：音樂組
From:
http://orientaldaily.on.c ... /00282_037.html
