陳智燊整玻璃戒冧宋熙年

陳智燊（Jason）和宋熙年（Sarah）昨日在沙田出席活動，早前求婚成功的Jason即場打造玻璃戒指冧未來老婆。問到Sarah會否要玻璃而棄鑽石戒指？她笑稱日後生B要老公送禮：「我希望步入另一階段，例如生第一個BB就有一隻戒指，係講紀念性而唔講Size！」他們表示明年下半年舉行婚禮，目前籌備拍攝婚紗照。Sarah表示想與好姊妹李亞男、陳爽、朱璇及高海寧拍照，但大呻好難夾期！

陳智燊、宋熙年
From:http://orientaldaily.on.c ... /00282_072.html

宋熙年P圖把前日牛一的未婚夫陳智燊
宋熙年早前獲男友陳智燊求婚成功，明年會拉埋天窗，前日是陳智燊的38歲牛一，他們撐枱腳嘆白松露，陳智燊昨凌晨在Instagram貼出跟未婚妻嘆餐的照片，他留言：「你令每年的12月12日都很特別。」加了心形圖案。

宋熙年在未婚夫生日前夕，即在Ig搞搞震，貼出兩人拼圖，相中的陳智燊P圖變陳伯，她留言：「生日快樂，陳先生，我會看着你變老，變聰明，直至你變成這樣。」宋熙年用app將陳智燊𣊬間轉移變老，她昨在電話中搞笑說：「我會睇住佢變老，佢今年大一歲，畀佢感受吓年紀大咗係會咁嘅樣，咁我梗係要保持青春㗎喇。」

採訪：楊定
from:http://hk.apple.nextmedia ... 151214/19410863

準新娘藝人宋熙年昨日為婚紗騷擔任模特兒，是她與未婚夫陳智燊訂婚後首次行婚紗騷，她表示在戴上頭紗一刻毛管戙，心情就似是要出嫁般感動和感受到新娘子的喜悅，就好像預演了自己的婚禮。

首次着婚紗示人的宋熙年笑言似預演婚禮，令她有毛管戙的感覺。

宋熙年昨日於會展為第81屆香港結婚節暨聖誕婚紗展中舉行的婚紗騷擔任模特兒，示範演繹8套晚裝和婚紗。她表示這是她與未婚夫陳智燊（Jason）訂婚後首次行婚紗騷和穿婚紗見大家，問到可有特別感覺，她說：「頭先戴上頭紗嗰下有少少毛管戙，係感動嗰種，好似自己出嫁，預演自己嘅婚禮，感受到好大嘅喜悅。今日可以畀我試吓唔同款式嘅婚紗，我依家開始搵婚紗，我細個鍾意好多層次、有魚尾嘅，今次就覺得簡單嘅款式都啱我。（會唔會好性感？）健康性感，不過唔好太過性感，想timeless嘅，唔想第時80歲睇番會覺得：『嘩，做咩呀？』（騷quali等未婚夫知道佢執到？）佢係咪都知自己執到o架喇。」

過年後要增肥
而問到她的未婚夫會否不准她穿着性感婚紗，她說：「佢唔會唔畀，係我一直都唔畀佢參與揀婚紗，我有個圈外朋友同高Ling（高海寧）都有陪我。我要留到行禮嗰日先畀Jason見到，想畀驚喜佢。（咁你有無幫佢揀禮服？）我有畀意見，但係都係留畀佢自己發揮。（準備做個百分百好太太？）一直有準備，跟我媽咪學嘅。」而愈來愈瘦的她就謂想增肥，她說：「fitting時覺得身形縮咗水，呢兩個月特別忙，等過埋年尾想肥番少少。（未婚夫有冇話你瘦？）佢成日見住我唔覺，我哋有一齊做gym。」

宋熙年利用改圖將陳智燊變老，以另類方式慶祝他的生日。

宋熙年想給陳智燊驚喜，所以不會讓他幫手揀婚紗。

楊埕表示參與國際小姐甚有挑戰性。

要見愛人變老
另外，她前日在微博上載了她與Jason慶祝生日的相片，Jason變成「老妝」，她表示要看着對方變老，十分sweet。她又在Instagram 上載了另一張慶祝Jason生日的相，可見她正品嘗白松露。

而有「清純栢芝」稱號的退選港姐楊埕就為同場的化妝活動擔任模特兒，提到月前到日本出戰國際小姐比賽，雖然未能勝出，但她表示是個很好的經驗：「我哋每日先知當日要做咩，好有挑戰性。」

文：名人組
From:http://orientaldaily.on.c ... /00282_032.html