姜皓文傷眉骨真黑仔

1^# 大中小 young 發表於 2015-12-11 00:04 發短消息

姜皓文離開亞視之後，除了在香港拍電影，近年更成功進軍內地，而且密密有工開。昨日他在北京開工，拍攝一場動作戲時不小心被一支木棍打到，眼角被打腫，傷勢似乎不輕。

姜皓文昨日接受本報電話訪問講述傷勢，他說：「畀支木棍打親眉骨，噚日腫啲，今日消咗好多，要靠啲化妝遮住啲瘀痕，要一路碌住啲雞蛋，一路拍嘢，唉！真係黑呀！」

採訪：陳以晴
from:http://hk.apple.nextmedia ... 151210/19405618

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-6-28 21:43 發短消息

姜皓文欠老婆一世

姜皓文近年在影圈被封多產王。《Cosmopolitan HK》圖片
姜皓文（黑仔）向來是電影圈產量王，早前他接受雜誌訪問，笑指幸好自己不是主角，才有較多發展機會，他說：「其實我唔識推戲，只要有啲啲鍾意個劇本就拍，唔理製作大小同戲份多少，因為三十萬製作未必輸畀三千萬大戲。」

提到太太殷寧（原名金慧英），黑仔感恩說：「感謝太太一直喺我身邊，全世界最包容我嘅係佢，我落泊時佢同我講唔係靠我開飯，叫我做自己喜歡嘅嘢！」他續謂：「會幫太太打一世工，欠佢太多，佢對我包容，足以令我愛佢一世。」

撰文：李察
from:http://hk.apple.nextmedia ... 170628/20070649

TOP

3^# 大中小 young 發表於 2017-7-5 19:22 發短消息

姜皓文厚褸扮神探

姜皓文（黑仔）最近接拍金融集團廣告，造型係英國紳士打扮嘅財務神探，要圍頸巾、着大褸、戴絨帽同皮手套，兼要喺烈日當空下拍追賊戲，跑半個鐘已經滿頭大汗，黑仔笑話：「總係夏天拍冬天戲，我都慣咗大熱天時着好厚嘅戲服。」

廣告同財務有關，入行超過30年嘅黑仔，初入行時都試過借貸度日：「借錢唔係乜羞恥嘅事，最緊要還得到先好借。」

撰文：馮仁昭
from:http://hk.apple.nextmedia ... 170704/20077719

TOP

4^# 大中小 young 發表於 2017-7-27 20:05 發短消息

黑仔撐嘉嘉配音叻

姜皓文拍片撐「囡囡」嘉嘉。互聯網截圖
姜皓文（黑仔）和童星傅舜盈（嘉嘉）因合作電影《五個小孩的校長》結下「父女緣」，這對父女拍檔私下不時仍有見面，最近嘉嘉為《喵星人》中的小主角劉楚恬配粵語聲，身為「老竇」的黑仔，昨日在facebook分享了一條片，留言：「難得今日天氣好，即刻約我個寶貝女盧嘉嘉出嚟飲下午茶，傾傾吓先知原來佢近排幫咗套戲配音，嗰套戲我都有睇，仲睇得好感動又開心。下次嚟老竇屋企玩貓玩狗啦。」

黑仔為撐囡囡嘉嘉，當然賣花讚花香，他並笑說：「我老懷安慰，配得咁好。配嗰時你諗緊乜？」童言無忌的嘉嘉即謂：「諗緊如果婆婆過咗身，我會好唔開心。」嚇得黑仔大嗌：「大吉利是！」

撰文：葉綠悠
from:http://hk.apple.nextmedia ... 170723/20098412

TOP

5^# 大中小 young 發表於 2017-8-19 21:35 發短消息

黑仔首做男一有壓力

黑仔（右）透露現正開拍四部電影，幸好時間配合得來，有時間休息。

姜皓文（黑仔）、廖子妤（Fish）、周國賢、陳靜和陳嘉莉等演員，昨日於深水埗為新戲《電影痴漢》進行開鏡拜神儀式，黑仔首次擔正做男一，戲中演一名痴漢，但並非日本痴漢，而是患上痴呆症而熱愛電影男子，事前花好多功夫搜集資料，因他怕被誤會是演一名黐線佬。

擔正男一，黑仔指起初有壓力：「係呀，黐線吓喺車廂唱歌，無諗過大家反應咁。」

陳靜剛放了一個長假期跟家人朋友到英國、日本和上海玩，返港後即刻開工，被指外貌有些改變，她解釋：「我冇化妝，只係化眼線，唔似以前咁濃妝。」

採訪：馬建華
攝影：沈健程
from:http://hk.apple.nextmedia ... 170819/20125724

TOP

6^# 大中小 young 發表於 2017-8-30 00:01 發短消息

32年來首嘗做主角姜皓文暴曬標汗監工

【曬住開工】
姜皓文日前為首次任男主角的新戲《電影痴漢》開工。

【荔枝角】有麝自然香，亞視出身的黑仔姜皓文入行32年，雖然今年已經50歲，不過電影產量多，杜琪峯、林嶺東、陸劍青及梁樂民等大導演的戲都拍過，合作過的對手更是劉德華、劉青雲及楊千嬅這類帝后級數。計計數，黑仔兩年來拍了26部作品，包括《五個小孩的校長》、《華麗上班族》等，不只量多，質素方面都有保證，今年更憑電影《樹大招風》問鼎金像獎最佳男配角，雖然最後落敗不敵曾志偉，不過仍然獲得不少現場掌聲。

飾老人癡呆患者

以男配角作主打的黑仔近日終於在新戲《電影痴漢》擔任第一男主角，亦是入行以來首次，他飾演一名患有老人癡呆症的患者。同劇還有周國賢、廖子妤、陳靜（DaDa）等演員。

日前黑仔與周國賢在荔枝角開工，當日以一間夜冷店做拍攝場景，店中放滿雜物，加上大班工作人員及器材，各人都企出行人路上，等埋位時兩位演員都只可以站在一旁。店內並沒有冷氣，加上當日高溫，真是熱上加熱，所以不時見到化好妝的黑仔與周國賢都要抹汗。

周國賢NG多次

到正式埋位拍攝周國賢的戲份，講述他入到夜冷店準備購買，之後打了一個電話就匆匆離開，雖然一個簡單鏡頭，都拍了幾次導演才肯收貨，每次一喊「cut」，都有工作人員幫周國賢梳頭抹汗及補粉。雖然未有黑仔的戲份，不過他站在門口望實，非常專業。

採訪、攝影：朱志聰、黃曉程

【捱熱拍攝】
周國賢當日在沒有冷氣的店舖內拍講電話的鏡頭。

黑仔熱愛拍戲，他感激太太殷寧一直支持他。資料圖片
From:http://hk.apple.nextmedia ... 170826/20132693

TOP

7^# 大中小 young 發表於 2017-8-30 00:01 發短消息

兩年拍26部電影姜皓文演賤輝朋友最難忘

姜皓文（黑仔）喺今年憑《樹大招風》獲得金像獎「最佳男配角」提名，而喺頒獎嘉賓春夏嘅介紹中，仲講到黑仔兩年來拍咗26部電影，而佢最後飲恨係輸咗畀曾志偉，而志偉獲獎時仲講「黑仔，俾心機，我一部撼你26部，跟住就係你喇，知唔知啊？」不過就因為呢句「一部撼你26部」搞到滿城風雨，有網民就指曾志偉係寸緊黑仔咁多套都攞唔到獎，而同樣都有網民就話呢個係志偉鼓勵緊黑仔。

點都好，其實黑仔咁多作品入面有好多精采作品，除咗喺《樹大招風》飾演嘅賊爸爸大輝之外，仲有佢喺《五個小孩的校長》飾演其中一位學生嘉嘉嘅父親盧強，角色講到佢因為意外導致傷殘，最後仲實現夢想做賽跑選手，而黑仔嘅演技亦非常摧淚。此外，黑仔亦曾經喺《激戰》入面扮演賤輝（張家輝）嘅好友太歲，而佢喺戲中知道賤輝要參賽打MMA時，想去勸老友，而賤輝亦爆出段段金句，例如「我唔想熄燈嗰陣，一件值得記得嘅事都冇呀！」、「我仲有嘢輸咩？唔緊要啦，贏又好、輸又好，啲嘢都返唔到嚟！」當中黑仔嘅演繹亦都非常出色。
from:http://hk.apple.nextmedia ... 170826/20132884

TOP