葉家寶嘆職位危險：有冇人肯當？

1^# 大中小 young 發表於 2015-12-9 23:55 發短消息

為亞視服務多年的執行董事葉家寶前晚宣佈辭職，昨晨他返抵亞視總台時眼角現淚痕，他直言辭職別無選擇，並相信難以找人接任：「咁危險嘅職位有冇人肯當呢？」不少亞視藝員對家寶辭職表示可惜。

葉家寶昨日返亞視時眼角有淚痕。

亞視再次拖欠員工薪金，限期前（本月七日）僅向過半員工發放11月糧，執行董事葉家寶前晚更宣佈辭職。平日準時八時多返工的他，昨晨十一時許乘車返大埔總台，被大批傳媒追訪。見家寶右眼角現淚痕，他坦言心情尚未平復，又指兩、三個月前已向董事會說明，若公司再拖欠人工或有其他因素，作為執行董事的他也無能為力：「今次辭職我別無選擇，最痛心要暫時離開同事。我同同事打拚咁耐，總算覺得係一個階段堅持後嘅終結，加上見到公司有新方向、新投資者，令公司有新做法，我覺得電視台要一代新人換舊人，希望繼續畀多啲新人機會做唔同崗位。」

轉任高級副總裁
家寶表示未有新計劃，可能讀書或放長假，但不會即時離開公司，會以高級副總裁身份留低協助公司短期內的交接。問到是否有人選繼任執行董事？他笑說：「暫時未有，呢個咁危險嘅職位有冇人肯當呢？」並謂相信此次法庭判決給予一眾公司董事、負責人、執董一個明確訊息，對自己來說也是個「終身教訓」。家寶深信：「人生總有落幕嘅時候，亦總有另一個起點，希望自己人生邁向另一個高峰。」又祝福亞視及一起拚搏的同事，語畢便匆匆上樓。他於下午約一時半與同事乘車離開總台。

袁潔儀希望亞視盡快出糧穩定人心。

韓君婷指亞視藝員適應力強，因已習慣公司不停變。

袁潔儀收通知出票
亞視藝員袁潔儀昨早十時半現身大埔總台，對於亞視再拖欠員工薪金，她坦言失望，但她已獲藝員科通知已出支票。提到家寶辭職，會否怕亞視「無人駕駛」？她直言早兩日已料到對方辭職，故不感意外，但戥對方搞到「一身蟻」感可惜。問會否怕沒有人敢做執董？她說：「可能老闆心目中有人選擇呢，言之尚早。（冇家寶氣氛唔同？）可能失落少少，呢樣其次，出到糧先穩得人心。」

前亞姐張家瑩對於家寶宣佈辭職大表傷感：「睇新聞見家寶眼濕濕，我本身眼淺都喊咗出嚟，相信對佢好大打擊。（影響你去留？）佢話會做高級副總裁，我都會繼續配合。（你自薦做下任執董？）絕對唔會啦！個位咁危險。」至於前亞視藝員韓君婷昨日出席活動時表示，家寶是她入行第一班認識的同事，如有需要樂意幫助對方：「我覺得喺亞視出嚟嘅藝員都好強，佢哋習慣改變，我將呢間公司列為風波公司。」此外，勞工處昨日派員到亞視會見部分員工，表示會繼續監察亞視支付十一月工資的情況，依法處理，不排除檢控任何違例人士。

文：影視組
From:http://orientaldaily.on.c ... /00282_017.html

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-12-12 22:42 發短消息

葉家寶活動甩底去嘆茶

葉家寶去到中環嘆茶兼行商場，缺席亞視活動。

亞視藝員張家瑩和彭遠揚等，昨日在天后避風塘附近出席新天后廟動土儀式，通告名單本有剛辭任亞視執行董事的葉家寶，但最後他缺席。昨午5時許，葉家寶約了同性友人在中環置地嘆茶，葉家寶見到記者即說：「我喺中環開完會，約咗朋友飲茶。」葉家寶會合朋友前，先往如廁，再拿手機拍下商場內的聖誕佈置。

葉家寶現仍是亞視高級副總裁，張家瑩昨指葉家寶職位變動對她沒影響：「工作照做，但覺得可惜。」張家瑩下月底約滿亞視，她說：「呢個月接咗好多工作，到1月唔知會發生乜事，完約先再諗。」

採訪：卓寶花、羅德光
攝影：陳俊強
from:http://hk.apple.nextmedia ... 151211/19407322

TOP

3^# 大中小 young 發表於 2015-12-29 23:20 發短消息

葉家寶離職前休假

昨日是葉家寶在亞視的最後一天，他表示不捨得一班同事。

葉家寶早前因亞視再次拖員工薪酬而辭去執行董事職位，昨日是他last day，家寶昨在電話中表示甚為不捨：「百感交集，好唔捨得，因為自己喺呢間公司20幾年。」

未來去向家寶還未決定，但他笑指自己已有多年沒放假休息，所以會先到外地旅行充電，他說：「其實我正式離開亞視係出年3月10號，𠵱家只係休假。」他表示最捨不得是一班曾一起打拼的同事，並感謝亞視給他學習機會：「原本我希望係最後跳船一個，估唔到我喺呢個時間選擇離開，但我覺得呢個係一個好好時機，官司了結，有新問題將會發生，我唔能夠再接受第二次官司，所以我選擇離開。」

採訪：魯吉
from:http://hk.apple.nextmedia ... 151225/19425560

TOP

4^# 大中小 young 發表於 2016-1-12 03:03 發短消息

葉家寶劈炮「梗係開心啦！」

葉家寶前晚着便服接受訪問，成個人輕鬆晒！佢話將會四圍去旅行，享受假期。

亞視前執董葉家寶前晚約埋蔡國威、袁潔儀、劉錫賢、張家瑩、蔡梓銘等一班亞視藝人食飯，朱慧珊因為氣管炎臨時缺席。家寶講到近況話：「梗係開心啦！無官一身輕，我都有幾年冇放假，成個人都好輕鬆，我好享受自由自在，之前衝得太狠，起碼唞番幾個月，先再投入工作。」佢話下年3月初至正式離開亞視，𠵱家係離職前休假，好唔捨得啲同事，唔能夠同佢哋堅持到最後一刻，希望同事未來會更好。

蔡國威約埋袁潔儀、劉錫賢同張家瑩等搵葉家寶食飯敍舊，仲高興飲杯。

蔡國威預告明年有騷

家寶仲話踓然有好多人接觸過佢，但暫時冇新工作安排，放完假先算，下個月會去台灣環島遊，同去上海探同學朋友，再去日本、加拿大探親，希望重整心靈。

至於負責約大家食飯嘅威仔就話：「打算一齊請家寶食飯，之前大家好忙又辛苦，家寶又要出庭，大家都好撐佢。」講到𠵱家亞視工作環境，威仔話剛收到通知，計劃農曆年廿九至大年初三（明年2月7至10號）4晚做Live：「1月10號有個公益金百萬行，可能係代表亞視最後一年，不過我就唔係好sure。」

而張家瑩都話剛收到工作通知：「𠵱家好尷尬好煩，因為份約差唔多完，以為完約後好Free，諗住農曆年出埠玩。如果真有呢個job係好，會考慮延長合約，所以要再傾，好彩未book酒店同機票。」

撰文：關仁

馮仁昭
from:http://hk.apple.nextmedia ... 151230/19431515

TOP

5^# 大中小 young 發表於 2016-1-12 04:41 發短消息

葉家寶遊埠兩個月等轉工

葉家寶（右）大假期間會到外地旅行，他承認有接洽新公司。

葉家寶和筱靖前晚出席灣仔《極鬪》首映，筱靜離開亞視後首次跟家寶碰面。家寶離開亞視放大假期間會先出國旅行，下月底返港，他承認跟新公司接洽：「先去北京同上海，再去加拿大同新西蘭，下月底先返，要返來搵錢嘛！」家寶前日出席鄧景輝喪禮，他說：「以前同佢做過幾年同事，幫亞視主持過幾個節目，為人要求好高，佢都係完成人生一個階段，希望佢喺天國可以安息。」他表示追思會好感人，他亦未有了解鄧的家人是否有經濟困難，不過，如果需要一定會幫手。

筱靖即將榮升老闆娘，她說：「呢排忙籌備新餐廳，係德國餐廳，喺銅鑼灣，本來上年開，不過師傅話我犯太歲，所以今年先開，同埋最開心係搵到個好拍檔，我唔喺香港佢幫我搞掂晒所有嘢。」

採訪、攝影：曹家誠
from:http://hk.apple.nextmedia ... 160104/19437764

TOP

6^# 大中小 young 發表於 2016-1-12 20:48 發短消息

離職後節目都冇睇葉家寶笑談亞視死於無限Loop

葉家寶昨日受訪時大談任職亞視執行董事期間，經常被記者包圍追問欠薪問題，曾被人當老闆。攝影：陳慧安
【《蘋果》專訪】正所謂官到無求膽自大，為亞視賣命26年、亞視前執行董事葉家寶昨日在上環接受《蘋果》專訪，大爆亞視速亡原因：長年積弱、老闆轉手太多及節目無限loop，令觀眾唾棄，連他離職後都「好少睇」。葉家寶為亞視犧牲好多，早前因拖糧惹上官非，亦曾為「撲水」出糧受盡凌辱，將全副心機放在工作上，至今感情仍然交白卷。

無官一身輕

亞視執董葉家寶早前因縱容或疏忽導致亞視拖欠22名員工逾100萬元薪金罪成，罰款15萬，其後表明若亞視再欠薪，會不情願辭職；由於亞視去年12月未能於法定期限前向全部員工發放11月薪金，因此，葉家寶已辭去亞視執行董事及董事會代表董事職務，現時亞視仍欠他數十萬，要分期歸還。

亞視未能續牌，葉家寶未能留守到4月1日，亦感遺憾。

王征是黑手

無官一身輕？葉家寶昨日在九如坊一個空中花園受訪，他笑笑口說：「係。」今時今日，不在其位的葉家寶，氣定神閒，談到亞視為何會弄成如斯田地，他認為是亞視易手太多，這個亦是歷史累積問題。而亞視節目「無限loop」這一招，原來是由王征想出來，葉家寶說：「王征先生當初入主都有好多抱負同理念，但只係做做吓啲節目太過單一化，好多節目都係重播，導致觀眾慢慢離棄我哋。佢認為每日有咁多節目，如果你即日唔重播，等到第二日先重播，就可能有新進展，仲要照顧唔同作息嘅香港人，所以朝早一次，下午一次，黃金時段一次，深夜又一次，導致好多人反感，覺得亞視冇嘢睇。」

一個好現實問題，家寶離職後有否追看亞視，他說：「睇少咗，主要都係睇新聞，我又唔鍾意追劇。尤其係𠵱家亞視成日重播劇集，所以冇乜睇，加上夜晚好少開電視，就算開都係睇其他台嘅24小時新聞台。」

拆解六四開

相信好多人都會質疑亞視2012年收視調查「六四開」神話，外界以為「亞視四．無綫六」，葉家寶指當年是找港大民調幫亞視進行電話調查，葉家寶堅持這個講法是對的：「都有科學根據，不過每個星期，民調只係抽三個節目嚟做電話調查，問吓有冇持續睇5分鐘或以上……」但直播或重播都計算在內，即可能與無綫觀眾重叠，「六四開」似乎存在好大漏洞。

採訪：嵐山
場地提供：蘭桂坊酒店（九如坊）
from:http://hk.apple.nextmedia ... 160107/19441359

TOP

7^# 大中小 young 發表於 2016-2-7 19:19 發短消息

葉家寶唔甘心留案底

亞視前高層葉家寶同新城前高層陳少寶，日前接受有線娛樂台訪問，家寶話人情冷暖：「有人驚影響發展，主動同我割席。」佢仲話好唔甘心打份工要留案底，亞視話會負責筆罰款，但𠵱家連糧都畀唔足，筆錢分分鐘凍過水。陳少寶就批評電台無情無義，樂壇惡性循環，譬如無綫藝人轉型做歌手：「如果電視台識做音樂，唱片公司就執晒笠啦！」

撰文：馮仁昭

馮仁昭
from:http://hk.apple.nextmedia ... 160128/19468930

TOP