莊思敏與王宗堯分別在個人社交網「隔空」開火，據知有人不滿莊思敏同時連開兩部電影，檔期和造型都未能配合，暗示有人工作不夠專業，更用「臨時演員」來形容對方。另邊廂，莊思敏除還擊「唔需要佢教我乜嘢係專業」，至昨晚她出席活動再喊爆指自己受委屈，更指與對方不是朋友，以後也不會是。兩人罵戰一發不可收拾！
莊思敏展示與王宗堯的對話內容，大致是王宗堯謂會叫老闆讓莊思敏專心拍《PG戀愛指引》。
藝人莊思敏與同公司的王宗堯最近忙於拍攝新片《導火新聞線》，但日前二人卻各自透過社交網站疑似隔空「開火」互罵。據知，有人不滿莊思敏拍攝《導》片之餘，同時接拍攝葉念琛電影《PG戀愛指引》，不滿在檔期、髮型及造型上未能配合《導》片。王宗堯先在社交網發表「如果你是為數字而拍戲，不是真正用心去表演，咁你同老臨有咩分別。」他又指有人是「葉念琛派」。翌日莊思敏不甘示弱在個人社交網「還擊」，指「如果工作是等於唔尊重工作，我祝你無工開。」火藥味甚濃。
王宗堯：不如專心啲
記者就此事聯絡上莊思敏，她說：「我覺得每個人都應該尊重番自己嘅同業，我理解唔到佢嗰句說話咩嘢叫開得工多就等於臨時演員呢？咩嘢叫一個量數嘅開工就同臨時演員冇分別呢？呢句說話我諗係令好多演員都唔開心，尤其係比較忙嘅人。」她續說：「我淨係覺得裏面有唔尊重嘅成分，加上我好肯定呢句說話係衝住我而嚟，所以我唔高興係好正常。」
王宗堯不滿莊思敏同時間拍兩部戲而掀罵戰。
王宗堯在社交網指有人為數字而拍戲，並非真正用心去演出。
莊思敏昨晚喊爆，並指與王宗堯不是朋友，以後也不會是。
而憑電視劇《導火新聞線》上位的王宗堯，今次在同名電影上雖只是演員，但對每一細節亦相當緊張。問他的「臨時演員」論是否指莊思敏？他間接承認說：「不多作回應啦，我指嘅係你有冇尊重每一個劇組每一個角色，珍惜你每一次演出機會。」他又表示希望對方專心拍好一部電影：「佢要做《PG》再過嚟拍《導》，撞期兼造型角色都好衝突，佢唔願意遷就，咁就不如專心啲。」會否怕對方嬲？他說：「可能我偏見啩，可能有好多人鍾意睇佢演戲呢。」問會否忠告當事人？他說：「我唔講啦，費事老闆冇面。我費事為咗無聊嘢令大家難睇。我只希望電影有好成績，唔會畀任何事破壞佢。」
髮色問題容易解決
至昨晚，莊思敏出席另一電影煞科宴，她眼紅紅說：「要回應有啲尷尬，始終大家係同事，係唔高興嘅。」問點解唔高興，她突然爆喊臉紅紅邊哭邊說：「我唔覺得有人係可以唔尊重我，事緣《導》片中我做記者，跟住開《PG》我將個頭染金。然後《導》片老闆想改我做談判專家，我覺得冇問題。大家知公職人員係要深色頭髮，造型時已同導演、監製講可以戴假髮或用黑彩，係好容易解決嘅問題。咁王生好堅決話我唔適合做呢個角色，佢叫我同老闆講不如做番記者。」
以後都唔會係朋友
然後莊思敏展示與王宗堯的對話內容，內容是王宗堯表明會叫老闆讓莊思敏專心拍《PG》，莊思敏則以一個「吓」字回應。莊思敏續說：「既然有人可以理直氣壯，我可好光明正大話畀大家知發生緊咩事。我唔覺得佢係一個演員可以決定另一個演員開唔開工。（委屈？）係o架。我唔理解點解一個人可以咁做，斷人衣食者猶如殺人父母。」
對於被王宗堯指不願意遷就角色，莊思敏說：「我從來冇唔願意，我唔可以染番頭色因為另一部連緊戲，我都要尊重另一劇組，事件上從來冇撞過期。（點解決？）唔需要解決，有啲說話講咗、聽咗，明o架嘞。大家從來唔係朋友，以後都唔係。（面左左？）見到咪見，唔一定要講嘢。（照拍？）我立場接咗要繼續做，同佢冇對手戲。（咁做乜干涉你？）所以我唔明囉，唔明點解佢要管埋我個角色，我唔理解佢憑咩去挑戰或評價人哋演技。（以前有爭拗過？）從來冇乜交往。」莊思敏又表示不會為王宗堯而辭演《導》，她說：「我唔會為佢而決定演唔演《導》，造型試咗，下星期排咗期開工，唔會因為佢任何一句說話而唔演。」
文：影視組
From:
http://orientaldaily.on.c ... /00282_006.html
