擁有34C驕人身材的「樂基兒師妹」姜美兒（Mia），以性感惹火內衣大曬「胸」器。有意向影壇發展的她，不排除接受裸露演出，更希望有機會與男神余文樂合作於戲內談情。
Profile姓名：姜美兒（Mia）
三圍：34C、23.5、35
身高：1米77
體重：57kg
血統：韓國、英國
「樂基兒師妹」姜美兒（Mia），大曬34C火辣Body為寒冬增添暖意！她現時雖主力發展模特兒工作，基地在香港和美國，但亦有意勇闖「大銀幕」：「我未試過做戲，希望將來可以喺電影方面發展。（接受性感角色？）接受到。（裸露都得？）要睇好多因素，例如係邊類型嘅戲同咩角色等。」她又希望可在日後的首部電影中，嘗試兩類型角色：「第一種係打女，第二係想拍浪漫愛情戲。（想同咩人合作？）如果係荷里活，我會想同里奧勒度合作，因為佢好靚仔。而香港就想同余文樂合作，因為佢除咗係好演員外，亦都好靚仔。」
鍾情幽默男
談及找男友是否亦需以樣行先，她坦言現時未有男友：「唔係要搵靚仔，只要佢對我好，誠實、有趣可以令到我笑就得，陽光運動型男仔都得。（有冇約會嚇？）冇，暫時專心工作，但我係想結婚嘅女仔，有諗過想係35歲前結，不過儘可能就32歲前好啲。（有信心做到？）只係我嘅幻想諗法，唔係有咩信心。」
Mia有意勇闖「大銀幕」更唔介意演性感角色。
Mia大讚余文樂識做戲之餘又靚仔。
現時單身的Mia，明言想在32歲前結婚。
基兒贈貼士
問到對於外界均認為她是樂基兒接班人，有否感壓力？她說：「我覺得好開心同好幸運，佢係一個好靚嘅Top Model。大家將我同佢一齊比較，我覺得好榮幸，唔會有壓力。因為佢係我嘅大姐姐，佢好好人，為人好得意，喺各方面都畀好多貼士同建議我，真心幫咗我好多，對呢番說話都唔會有反感。」文：名人組
From:
http://orientaldaily.on.cc/cnt/e ...1206/00282_019.html
