麥皓兒自參選香港小姐入行後鮮有代表作品，雖見近年「港姐」被無線力捧，皓兒亦未言時不與我，放棄演藝事業，反而更積極裝備自己。她用三年時間自資進修，同時把握機會向影帝黃秋生偷師，演閒角的她有幸獲讚有戲，深感鼓舞。
麥皓兒為演《梟雄》，暫時放下學業。
麥皓兒（Joey）在2007年參選香港小姐進入八強，雖未能問鼎三甲之列，但亦成功以芳齡18歲與無線簽約成為藝人。近年香港小姐被無線力捧，當選後即可入劇組甚至擔任女主角，Joey直認羨慕：「希望將來有機會可以好似佢哋咁多幕前演出，但我都會留意佢哋究竟有咩優點值得自己去學習。」從事演藝事業的同時，Joey在過去三年更自費修讀工商企業管理學士學位，期間雖不斷為平衡學業及事業的時間而捨棄工作，但當獲邀加入無線劇集《梟雄》後，她不惜延遲畢業時間，為向同劇的男主角黃秋生及黎耀祥偷師：「齋聽都知學到好多嘢，咁近距離欣賞秋生哥（演技）更加係機會難得。」
麥皓兒感激秋生在劇中的照顧，提醒新人。
感激獲提攜
即使Joey在《梟雄》飾演的小玉只屬閒角，她沒因此敷衍了事，反而投入其「妹仔」角色，由心而發的表情終獲秋生稱讚，Joey受寵若驚：「佢話：『呢個o靚妹，有戲o架喎！』我對白唔多佢都留意到我，係一個好大嘅鼓勵！」就算她自知在秋生眼中只是個「o靚妹」，但她對秋生深表感激：「佢對我哋呢啲新人真係好照顧，例如有啲場口，佢會同我話呢啲位有機會發揮，呢啲時間係我哋嘅。」
文：影視組
髮型：Kim Li（HH lL COLPO GROUP）
服裝：Da Ace
手錶：Mousse
From:
http://orientaldaily.on.c ... /00282_036.html
