龔慈恩囡囡唱兒歌緊張

首次公開演唱的林凱鈴直言好緊張。

劉詠詩畫功獲黑田昌郎欣賞，並簽名留念。

星二代龔慈恩愛女林凱鈴（Ashley）和黎燕珊女兒劉詠詩（Wynce）昨日到荃灣出席「慶祝日本動畫40週年」活動，分別畫畫及唱歌展才藝，現職空姐的Wynce畫的漫畫，獲宮崎駿師兄黑田昌郎欣賞，特別在畫上籤名。

15歲的Ashley與唐韋琪合唱《夢中天使》，她謂首次公開演出，心情好緊張，自覺唱歌未夠班的她表示會專心學習，Ashley說：「到時可以選擇我嘅將來，而唔係將來選擇我。」

此外，唐韋琪透露稍後和亞視合作做兒童節目，雖然亞視拖糧有前科，但今次沒提過酬金問題，只覺得現在不應一台獨大，應有不同渠道宣傳。

採訪、攝影：卓寶花
from:http://hk.apple.nextmedia ... 151109/19365177

龔慈恩囡囡Ashley有機會為長腿叔叔設計新居，讓她有好大滿足感。攝影：沈健程
龔慈恩囡囡林愷玲（Ashley）今年15歲，既是六級鋼琴手，又經常在朗誦比賽奪獎，才藝多多的她還喜歡畫畫與設計，夢想將來可當一位建築師。早前Ashley夢想成真，應邀為卡通片《長腿叔叔》設計一間精品小屋，由一張白紙變成一間實體化小木屋，媽咪龔慈恩全力支持。

撰文：譚倩宜
場地：愉景新城
服裝：Sindel
髮型：Kolen But of Amen production
化妝：Alfred Tsang of Amen production

去年跟媽媽龔慈恩一齊拍廣告，令Ashley聲名大噪，不少網友大讚她清秀漂亮。最近Ashley獲商場邀請替《長腿叔叔》設計一間屋，她表示花了不少心思：「自己都幾鍾意呢套卡通，不過之前睇冇留意裏面嘅建築，所以今次要花好多時間重睇，仲會較慢鏡去留意返裏面嘅建築物。」

Ashley與長腿叔叔一樣，同樣擁有一雙修長美腿。

女兒設計出童話小屋，龔慈恩當然要幫手拍照留念。

等改裝閨房

能將畫作實體化，Ashley坦言好有成功感：「望住真係覺得好壯觀好興奮，呢間真係1:1，自己都有諗啲特別嘅設計。」對於1920年代的建築物，Ashley坦言最吸引自己：「因為我好鍾意復古，好想將現代同復古感覺mix&match一齊。」問到其閨房是否由自己設計？Ashley扁扁嘴謂：「唔係，係媽咪諗嘅。」龔慈恩搶說：「佢想咗好耐講咗好耐，不過等佢真係可以將夢想同現實結合到先啦。」

有網民揚言要為Ashley成立後援會，Ashley表示不知情：「吓？真係咩？自己冇上網睇過，唔知。」不少星二代也投身娛樂圈，問到Ashley可會考慮入行？她說：「每個行業我都要時間去充份了解，自己喺唔同方面都有興趣，好似文學、設計、音樂等，所以未必咁快下到定論。」
from:http://hk.apple.nextmedia ... 151204/19398588

龔慈恩鼓勵愛女Ashley透過合作擺年宵而認識自己。

被封為「嫩版吳佩慈」的龔慈恩愛女林愷鈴（Ashley），最近與30多個同學仔夾份在維園年宵開檔，售賣以本地一位藝術家親手寫的特色字體作賣點，將時下一些歌曲歌詞、搞笑潮語等，印於透明貼紙上。日前Ashley放學回家後換上便服，便匆匆趕到維園睇檔，身為媽咪的龔慈恩亦專登到場為她打氣。

執貨推銷一腳踢

首次落場做推銷的Ashley，在攤檔內與眾同學落力呼喊推銷產品，向途人細心講解價錢及概念，售賣品包括保溫暖壺、布袋及筆記簿，一有空檔又要幫手執貨，Ashley說：「學期初已經籌備，冇諗過真係會成功，因為我哋只係一班中學生，睇見啲大學哥哥姐姐好叻先做到呢樣嘢，但原來只要肯嘗試，冇想像中咁難。」Ashley又大讚好好玩：「我哋一班同學輪流落嚟睇檔，過程亦冇我想像中咁辛苦，可能未到人流最多時候，但好好玩，見到啲人唔係想像中咁冷漠，個個都好熱情地想知班中學生喺度搞乜嘢，今次學到最多係溝通過程、點樣投個攤位、計數方面自己就麻麻地，要其他同學負責。」

龔慈恩（左）身體力行支持女兒，更落檔幫忙。

Ashley（左一）今年與30個同學仔夾份在維園年宵開檔。

Ashley的檔攤售賣本地藝術家特色字體貼紙。

感謝媽媽畀自由

龔慈恩很支持Ashley今次的計劃，雖然女兒這段期間忙個不停，不過她坦言不會為此而心痛，反而鼓勵她開心學習做自己，龔慈恩說：「好多家長都出錢又出力，搭棚都有份，我叫最少幫忙，大家都不計成本，只想佢哋開心學習。」向來孝順的Ashley見到媽咪的支持和鼓勵，當然攬攬媽媽拜早年：「恭喜發財，身體健康」，至於猴年的展望，Ashley則說：「我希望繼續做到自己鍾意做嘅事，又顧到學業。」

採訪、攝影：卓寶花
from:http://hk.apple.nextmedia ... 160206/19481649