歌手可嵐花了十年光景追逐音樂夢，過程中曾被老闆嫌外形太肥而慘遭白眼，於是決心減磅踢走十多磅脂肪，但瘦身成功後卻又面臨另一難關。始終音樂在這個年頭不是賺錢的職業，她試過窮得只剩三十蚊餬口，幸好最後及時獲「神迹」打救。
可嵐未忘音樂夢，自資六位數出新歌勉勵年輕人。
不經不覺已出道十載的可嵐最近推出新歌《匆匆一生》，新歌教年輕人勇於追夢，同時唱活了她十年裏的崎嶇星途。她憶述當年憑一股傻勁毅然踏入樂壇，起初不斷自錄歌曲樣辦寄到各大唱片公司，不過屢食閉門羹：「當年好多人拒絕我，最難聽嘅話我外形唔得，太肥喇，我最肥去到130幾磅，受到好多人評價。可能當年學生年代唔識化妝、着衫，十幾歲着到成個師奶咁。」
天降「神迹」
最後可嵐遇到了現在唱片公司的老闆，於是她的起心肝減肥大變身，她說：「嗰時節食做運動，三個月後減咗十幾磅，最後先出得成碟咋。當然生完小朋友有反彈，但好彩我係個好動嘅人，有Keep住做運動。」
曾窮得只剩三十蚊的可嵐因天降「神迹」而獲救。
可嵐在今年的音樂頒獎禮亦有斬獲。
可嵐照顧囝囝之餘，堅持做音樂。
同脂肪講Bye Bye後，迎面而來的卻是另一難關，可嵐坦言入行後收入不穩，生活最拮据時只剩雙位數傍身：「記得啱啱入行宣傳期，自己住得遠花費好大，戶口冇晒錢，身上得番三十蚊，當時我就禱告，求神可以幫我開路。」最後果然感動上天，突然天降「神迹」，可嵐說：「第朝我聽到一個電話，原來係我未出道前去咗一間小學度唱歌，學校話有封利是仔畀番我，點知係四位數嘅支票，嗰次真係打救咗我。」
自資出歌
事過境遷，可嵐儲夠彈藥再追音樂夢，今次新歌自資達六位數，她說：「其實都幾『重皮』，依家咁嘅音樂市道，我要照顧個仔，又要堅持做音樂，希望呢個經歷可以令年輕人堅持去做自己想做嘅嘢。」
文：音樂組
髮型：Alex Chan @ Queen's Private i
服裝：Blues Heros @ D-mop
場地：印尼餐廳1968
From:
http://orientaldaily.on.c ... /00282_057.html
