台灣歌手許慧欣喺2013年同家族從事塑料生意嘅Dennis喺峇里舉行婚禮，估計老公身家有成10億元台幣(即係約2億幾港幣)。
現年38歲嘅許慧欣昨日喺facebook貼出囡囡嘅相，原來B女喺10月6日順產出世，當日仲係許慧欣同老公Dennis嘅結婚紀念日，所以兩公婆覺得好有意義!
許慧欣昨日仲喺fb分享初為人母嘅喜悅，留言：「我現在相信一見鍾情了...產前陣痛了超過25個小時，baby決定出生在我們的結婚紀念日10/6/2015晚上，讓那個日子更加幸福。醫生說她很健康，是很標準的7lb2oz of可愛寶寶膚色也是個健康的紅紅的，頭髮也很長！我同學問我，妳的心現在活在體外是什麼感覺？就是很奇妙！」相中所見，囡囡眼仔睩睩，相當可愛!
許慧欣亦向台灣《蘋果》透露老公有陪產，婚後定居美國德州，為家庭推掉咗唔少內地大型節目，如今為夫家生咗「億級千金」。
from:
http://hk.apple.nextmedia ... 151014/19332630
