無線花旦小生出現離巢潮，胡杏兒、陳茵媺、徐子珊、郭羨妮等先後約滿離去，無線惟有改捧港姐。以前冠亞季軍都要先履行港姐責任，卸任後才有其他工作，但近年速戰速決，全部選完即開工拍劇，結果被觀眾狠批不懂演戲，包括最近被插爆的陳凱琳（Grace），指她表情浮誇、無層次無深度、超高音尖叫，連影帝黃秋生都忍不住批評，男友鄭嘉穎則形容她只是小學雞。
【兩友人相伴】
向海嵐前日與一男一女友人在銅鑼灣嘆茶。
【半粒鐘嘆茶】
向海嵐與友人坐了半小時便離開。
「睇嚇邊度傾得啱」
據知，無線亦知道靠新人硬撐並非上策，已正積極拉攏舊人回巢，更以中港兩地皆有知名度、半上岸，不會錢字行頭的藝人為目標，而現年41歲、1998年港姐冠軍向海嵐便是目標之一。知情者透露：「無線最想𠱁到佢返去演奸角，因當年嘅《無頭東宮》同《胭脂水粉》都好受歡迎，而且𠵱家有合約嗰啲姐姐仔，冇乜邊個奸得出樣。」
向海嵐離開無線7年，當年講明因覺得公司未能助她發展而離開，故有傳無線今次為邀她回巢，出動了不同層面的人向她探口風，瞭解最近頻頻在港蒲頭的她，是否有意回港發展。
昨日《蘋果》致電向海嵐，問她是否被無線邀請回巢救亡？她「嚇」了一聲未有否認，但就笑說：「又唔好講到救亡咁嚴重，𠵱家我係自由身，都有同唔同嘅單位傾嚇合作，自己都鍾意幕前演出。」會否返港定居？向海嵐表示：「其實我係多咗時間喺香港，一個月都有2、3個星期喺度，所以睇嚇邊度傾得啱啦，會考慮條件同各方面因素，因為我都習慣喺上海生活，突然返嚟驚唔習慣，不過又想多啲時間陪父母。」
另外，前日向海嵐與一男一女友人在銅鑼灣利園Cova嘆下午茶，其間見她滔滔不絕發表偉論，兩友人只點頭和應，最後他們坐了30分鐘左右便埋單，向海嵐還好像十分趕時間，急急腳走人。
採訪：小米
攝影：徐錦池
向海嵐當年在《無頭東宮》飾演奸角備受讚賞。劇照
向海嵐當年參演的《胭脂水粉》大受歡迎。劇照
From:
http://hk.apple.nextmedia ... 151013/19330446
