專訪當日劉詠詩（右）坦言嘗試行騷後，才體會到媽咪黎燕珊平時放工回家時是那麼疲倦。攝影：仇志德
近年娛樂圈湧現星二代，不論先天條件及後天培養，都較普通身份入行藝人有優勢，關注度及曝光率都較高，相對地他們也要有準備承受跟父母的演藝成就作比較。身為首屆亞洲小姐冠軍黎燕珊及邵氏藝人劉永的長女劉詠詩（Wynce），擁有天時地利人和，暫無意考慮入行，但嘗試了一天幕前工作卻令她深深體會到母親的辛勞。撰文：馬建華
現年21歲任職空中服務員的劉詠詩，上月底首次亮相幕前，擔任模特兒行處女騷，騷上更是與媽咪黎燕珊同行，令這個第一次更別具意義。
享受做空姐
從小生活便跟演藝工作緊緊相扣，不時出入片場或亞視總台，但對於當時年紀小小的Wynce來說，卻沒有半點吸引力，她說：「細個嗰時冇興趣，到大個都未有考慮（入行），因為𠵱家我有份自己理想職業，擔任空中服務員，做到已經好開心，想將佢成為終身職業。」幕前工作仍未能吸引Wynce，相反中學時期，她就活躍於跟同學唱歌跳舞，中四那年曾經夾Band擔任鼓手參加校內比賽，勝出後更獲師生推薦參與區域比賽並贏取冠軍，那次經驗亦未能令Wynce萌入行意念，她說：「我嘅心態係成班朋友玩，我比較鍾意識新朋友，當有成班朋友一齊，我就無時無刻叉足電好開心。」
嘗試了星二代演藝工作第一步，由朝早準備出騷至行騷到一連串受訪，Wynce感覺是「好攰」，她說：「呢次係好好體驗，令我更加明白媽咪平時返屋企時點解咁攰，從佢口中講出同埋自己親身體驗，先知係乜嘢一回事。」
上月底劉詠詩與媽咪黎燕珊一齊為時裝店行騷。資料圖片
劉詠詩恐私生活受影響，所以不會考慮加入娛樂圈。
珊姐指去年已經有人邀請Wynce出騷，但當時Wynce未有心理準備，這次能夠跟女兒同台行騷，珊姐直言心情緊張過自己選美，感覺似發夢一樣，問到會否想女兒參加選美？她說：「怕佢抵受唔到壓力，母愛偉大梗係想佢簡單開心成長，但如果選美都可以嘗試唔同經驗，擴闊自己視野。」
加入空中服務員行列，Wynce身邊同事並不知她家庭背景，在出騷前剛巧撞到同事經過，Wynce也有心理準備星二代身份曝光，同時也考慮到私生活及朋友圈子可能受影響，她說：「所以係我唔考慮入行因素之一，都係諗到如果令到同朋友食飯行街，而影響到人就唔好。」
服裝：Arpege Story@ Hysan
場地：Wired Cafe
髮型化妝：To To Charlene
from:
http://hk.apple.nextmedia ... 150920/19302405
