李克勤爆容祖兒搵師兄練舞

8^# 大中小 young 發表於 2015-9-29 16:35 發短消息

祖兒克勤唱到超時罰20萬

克勤和祖兒前晚拖手完成合共十二場的演唱會。

一連十二場「容祖兒李克勤演唱會」前晚落幕，祖兒在演唱時因舞台飄雪效果跣腳，幸馬步夠穩沒事，克勤握手時被男觀眾大力拉扯向前仆，幸他及時拉實欄杆才沒跌倒，兩人都有驚無險！克兒唱到12時15分才完騷，因超時大會被罰款20萬元，問是否歌酬中扣除？祖兒笑說：「佢就想呀，我啲錢放晒入定期。」克勤更謂：「我一啲悔意都冇。」

劉浩龍前晚坐在控制台睇騷。

克勤（箭嘴示）握手時被觀眾拉跌，幸有驚無險。

前晚祖兒男友劉浩龍（師兄）坐在控制台上捧場，而有傳不滿他的容媽媽就安坐觀眾席，問祖兒有否見到男友？她說：「我從來都冇見到，自己喺台上面，若果佢有時間，每一晚都喺度。」祖兒爆響口新年到拉斯維加斯巡唱，問會否帶「巨龍」（劉浩龍）去舞龍？她哈哈大笑：「外國冇呢啲習俗，唔興呢啲。」

採訪：馬建華
攝影：陳順禎
from:http://hk.apple.nextmedia ... 150924/19306893

TOP

9^# 大中小 young 發表於 2015-10-5 17:28 發短消息

克勤輸歌王心服口服

克勤昨穿上繡有歌名的波襪踢波，為新歌宣傳。

李克勤為宣傳新歌《戀愛為何物》，穿上繡上歌名的波襪，去到觀塘舉行一場桌上足球比賽。克勤於內地蒙面歌王比賽敗於孫楠，克勤說：「佢係實至名歸，輸畀中國第一男聲我心服口服。」有指克勤揀錯歌，克勤說：「只要贏咗就冇人話揀錯，情意結揀校長（譚詠麟）嘅歌，要國語又有氣勢，就揀咗《披着羊皮的狼》。」

克勤日前於微博表示，見到自己演唱會舞台舉行保良局籌款不是味兒，克勤解釋說：「不是味兒冇任何貶義，係個心忐忑，好似自己架新車賣咗畀人，見到人哋揸咁，不過好多謝保良借個台先至可以加場。」

採訪、攝影：張俊銘
from:http://hk.apple.nextmedia ... 150930/19314579

TOP

10^# 大中小 young 發表於 2015-10-8 22:16 發短消息

祖兒年尾甩師兄遊埠

祖兒透露年尾與母外遊。

容祖兒昨晚到將軍澳出席某品牌新車發佈會，她透露年尾安排跟媽咪共9個女人去旅行，問她為何沒男友劉浩龍（師兄）份？她說：「全女班驚佢悶，等佢休息吓。」

周汶錡昨晚以交叉設計的貼身裙現身，承認上圍變大了少許。

至於同場的周汶錡着胸口交叉短裙性感登場，坦言沒打底，她說：「𠵱家size同以前一樣，上圍大少少啫。」有否計劃追女？她指第一胎開刀，最少要等半年，記者指平安夜可造人，她大笑：「嘩，你哋計得咁快，最不平安嘅日子。」不過周汶錡下身高衩裙更疑似走光，問有否有打底？她說：「呢件衫冇，不過都安全。」

採訪：王連連
攝影：陳慧安
from:http://hk.apple.nextmedia ... 151008/19324348

TOP

10 ‹‹12

著數優惠交流網 » 影視、娛樂交流區 » 李克勤爆容祖兒搵師兄練舞