周柏豪、連詩雅（Shiga）、Dear Jane、A2A跟陳詠謙日前去到拉斯維加斯，參加唱片公司舉辦的「華納星聲斗」真人騷，分兩隊進行比賽，結果Shiga的一隊輸了要接受大懲罰。畏高的Shiga被迫玩樓高51層的Zip line（高空滑翔），只有一條安全帶兼兩旁沒遮沒掩零安全感，嚇到她緊緊捉著身旁的柏豪手臂，緊閉雙目喪嗌喪喊，玩完返回地面後，才知道被整蠱。
柏豪捱義氣相伴
昨日Shiga接受電話訪問說：「超級無敵畏高到不得了，我未上去見到已經好驚，之前一晚狂問可唔可以唔玩，大家原來設局呃我。」結果Shiga上當喊住玩，她說：「我等所有人玩曬，佢哋都喺我面前扮唔驚，A2A滴眼淚話有沙入眼，我咪試嚇啦。周柏豪師兄好捱義氣，佢陪我玩多次，踏出去企側邊已經好大關口，我開始忍唔住係咁喊，喊到虛脫想暈低，50幾樓，其實係好恐怖，得一條安全帶，張凳冇嘢扶，嗰刻腦裡面好似18年，點解咁漫長。」
Shiga玩樓高51層的Zip line全程爆喊狂嗌，緊緊捉著身旁柏豪的手臂。
畏高的Shiga（中）玩完Zip line後依然喊到收唔到聲，A2A和Dear Jane連忙上前安慰。
華納歌手日前到拉斯維加斯拍《華納星聲斗》真人騷，趁機增進友誼。
拍完後知道被設局，Shiga即時呆了，她說：「老闆知道有讚我好專業，雖然我未衝破到畏高恐懼，但起碼覺得係好嘗試。我真係好細膽，連打針都喊，柏豪隻手畀我扯到紅曬，耳仔就嚟聾，睇番片先知自己掙扎得咁嚴重，sorry師兄，大家攬住我安慰時，覺得自己好瘀。」
採訪：皓騫
from:
http://hk.apple.nextmedia ... 150908/19286238
