胡楓修哥冇份飲和頭酒

1^# 大中小 young 發表於 2015-9-18 23:44 發短消息

胡楓（修哥）、Joe Junior及肥媽等昨在樂富出席活動，對於王羽要求女兒王馨平代安排和頭酒，擺平謝賢怒摑曾江風波，問當時誤被打中的修哥是否受邀請？修哥說：「冇呀！冇搵我呀！」隨後拉開話題：「今日活動係講爺孫關係，我對仔女係教，對孫就係錫，當然佢哋有唔啱我會糾正。」

肥媽則透露近日遭老公投訴她經常煮美食，導致體重上升：「佢𠵱家只係畀我一星期煮三晚飯。」

採訪：譚倩宜
攝影：陳俊強
from:http://hk.apple.nextmedia ... 150907/19285195

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-12-11 00:20 發短消息

胡楓贊成，和氣生財

藝人胡楓、彭懷安（Eddie）及蔚雨芯（Rainky）昨日在西環華星客棧舉行活動，宴請一班公公婆婆食Tea，老闆Eddie及Rainky滿場飛與「老友記」合照，嘉賓胡楓打扮成貓王出現搞氣氛，場面熱鬧！

蔚雨芯已簽約吳奇隆公司，將到大陸掘金。

曾江、謝賢因合作《4個小生去旅行》鬧不快，對於曾江向謝賢道歉，胡楓表示高興：「和氣生財咪好囉。（約食飯？）睇大家得唔得閒啦，我要拍劇都好忙。（再拍旅遊節目？）等公司安排啦！」至於Eddie表示聖誕會約舊愛朱慧敏及大批朋友聚會，又直言對舊愛尚未死心，但現階段要先努力事業才諗拍拖。

胡楓一身貓王裝扮出現。

Eddie（前排右起）、蔚雨芯氹得公公婆婆好開心。
from:http://orientaldaily.on.c ... /00282_062.html

TOP

3^# 大中小 young 發表於 2016-2-22 22:21 發短消息

胡楓跳舞

胡楓、羅蘭、麥德羅同丁悅噚日去咗黃大仙出席慈善千人盆菜宴，現場有唔少老友記，好鍾意跳舞嘅胡楓聯同麥德羅一齊大跳chacha，𠱁到大家鬼咁開心，仲拍爛手掌。胡楓同羅蘭都話老人家應該多啲參與社區活動，保持心境年輕同開朗，人都會健康啲！講到老友謝賢遲啲同佘詩曼、馬國明拍劇，修哥話叫佢要勤力啲，咪懶懶散散。

撰文：馮仁昭
from:http://hk.apple.nextmedia ... 160222/19500314

TOP

4^# 大中小 young 發表於 2017-7-8 16:55 發短消息

胡楓呻後生捱得辛苦

（左起）陳敏兒、胡楓和梁藝齡昨日出席活動，談論死亡及安排身後事問題。

胡楓（修哥）、梁藝齡和陳敏兒昨日到將軍澳出席「生命禮讚」活動，主題以長者提早安排身後事，帶出死亡並非恐懼的信息。修哥說：「老實講生命嘅問題其實真係好唔捨得，好唔捨得去，有咁多好朋友、咁多屋企人，生活得又咁開心，所以真係一啲都唔捨得。」

即將要連開兩劇的修哥，表示不是問題，他說：「最緊要畀啲時間我瞓覺，𠵱家每日要瞓九個鐘先至夠，可能後生嘅時候捱得辛苦成日唔瞓，𠵱家要瞓番夠本。」而已離開幕前十一年的梁藝齡透露：「有幫福音電影拍過，不過覺得好生疏，好似唔識做戲咁，可能放低咗太耐。」

採訪：曹家誠
攝影：沈健程
from:http://hk.apple.nextmedia ... 170708/20082348

TOP

5^# 大中小 young 發表於 2017-8-7 23:07 發短消息

胡楓自嘲唱功唔及黎明

胡楓帶病落力演出，贏得不少掌聲。

「林慕德& Friends Many Happy Returns演唱會2017」前晚於灣仔會展舉行，演出藝人除葉振棠、夏韶聲、劉錫明和韋綺姍等外，更有胡楓（修哥）做壓軸嘉賓。感冒兼咳嗽的修哥帶病上陣，清唱契仔黎明的《那有一天不想你》，贏得台下掌聲不絕。修哥笑說：「我梗係冇黎明唱得咁好啦！」之後他更載歌載舞演繹《激光中》，寶刀未老。

演唱會中，林慕德唱出全新作品《爸爸媽媽我愛你》送給從外地回港專程捧場的父母，又邀請台下觀眾大合唱副歌部份，令林慕德感動得眼眨淚光，他說：「音樂係可以觸動人心，所以我會繼續做音樂，送畀喜歡音樂嘅朋友。」

撰文：魯吉
from:http://hk.apple.nextmedia ... 170807/20113602

TOP