麥浚龍（Juno）的三部曲《耿耿於懷》、《唸唸不忘》及與謝安琪（Kay）合唱的《羅生門》上月瘋狂洗版，連帶Juno多首舊歌翻hit，雄霸歌曲下載榜，在12大位置獨佔9首。
被網民公開召喚，希望她能參與Juno幾部曲的吳日言（Yan），前晚突然在Instagram貼文：「他就像得道高僧，我從來只是屋村平民，跟（根）本就不適合出現在他的作品上。可能，我多心了，所以我需要流汗來冷靜。」不過，貼文三個鐘之後，Yan突然把文字刪減了一半，只留下：「可能，我多心了，所以我需要流汗來冷靜。」
近日不少網民召喚10年前跟Juno合拍《耿耿於懷》MV的吳日言現身。資料圖片
「純粹個人宣洩」
本報昨日致電Yan問得道高僧指誰及為何刪文？Yan即時口窒：「因為收到好多朋友message，唔想大家擔心，所以就delete咗囉！其實嗰個post係純粹個人宣洩，唔解釋咁多喇！」問她跟Juno有否合作？Yan則尷尬說：「冇份參與呀！唔講咁多喇！講多錯多，得罪人就唔好啦！從來都係人哋嘅四部曲，我冇份參與！」
據悉，Yan貼文的確與Juno有關，知情人透露：「Juno同周國賢合作嘅外傳《雷克雅未克》，本來搵咗Yan喺MV現身，但負責搵Yan嗰個人講咗啲嘢令佢好唔開心，最後Yan就推咗唔拍。」
Juno與謝安琪合唱的《羅生門》上月在網上瘋狂洗版，成為一時熱話。
近年鮮有工作的吳日言，去年曾被影到在街頭推銷App。資料圖片
記者昨再以WhatsApp問Yan口中得道高僧是否Juno？她回覆說：「可能有好多嘢我諗多咗……算啦！我知自己唔夠紅，知名度又唔高，不過，就算係臨時演員都係演員，應該受到尊重。雖然我乜都冇，但我都可以選擇自己條路！」問Yan是否曾爆喊？她則表示：「冇流淚，流汗啫！」
採訪：小米
from:
http://hk.apple.nextmedia ... 150827/19270843
