盧頌之為陳達仁拜神祈福談酒駕：唔會再任性

現年25歲𡃁模盧頌之（DaDa）上月底闖大禍，涉嫌酒後駕駛被捕，DaDa事發當晚借了dbc數碼電台主持陳達仁胞弟的座駕，卻發生撞車意外，車中後座乘客陳達仁不幸右手臂骨裂，本月初入院動手術。事件發生後，DaDa潛水避傳媒半個多月，她昨日接受本報獨家訪問，首度為事件開腔，DaDa直認事件令她有很大教訓，非常後悔。

壓力爆煲狂搣指甲

DaDa昨午1時多，獨自買了燒肉、燒豬手、蘋果和香燭到了黃大仙廟，為陳達仁拜神祈福，她否認揶揄對方：「大家唔好誤會，我想佢早日康服，我都帶咗蘋果嚟拜黃大仙，希望大家都平平安安。」她還求籤，全程唸唸有詞，誠心禱告，求得中吉籤「蕭河月下追賢」，相士指DaDa此刻欠貴人相助，但如果找到適合律師協助解決疑難，自可迎刃而解。

陳達仁日前在fb貼出撞到變廢鐵的車相。

DaDa昨欲買風車轉運。

昨日所見DaDa情緒尚算平復，但訪問期間仍見她不停捽手指，表現緊張，她指甲被發現搣損，事件令她壓力爆煲，DaDa坦承錯誤：「呢件意外上我當然有錯，畀咗大家唔好榜樣，自己好後悔，我呢段時間喺屋企反省咗。」DaDa更坦言車禍意外令她上了寶貴一課，她表示會重新出發，希望大家可以給予她改過機會。問到會戒酒嗎？DaDa說：「以後做任何事，我會理智啲，唔會再任性。」

DaDa上月底借陳達仁胞弟的座駕，意外撞車，更涉嫌酒駕被捕。

意外中右手重創的陳達仁仍休養中，他日前在fb貼出車禍中報銷車子照片，他抵死說：「今日去拜仔仔山！佢死得好慘！」對於DaDa昨日帶燒豬手為他拜神祈福，陳達仁昨在電話中說：「人哋一番心意啫，𠵱家我冇乜感覺啦，希望隻手快好番，傷口仲好痛，一日仲要食四次止痛藥。」

採訪：比華利
攝影：陳俊強
from:http://hk.apple.nextmedia ... 150822/19265467

美國街頭水上樂園「Slide the City」由今日開始至24號，於啟德郵輪碼頭舉行，鋪出千呎大型滑水道，並增設10米高台，斜台部份佔整條滑水梯嘅3/4，令參加者「瀡」得更快。大會贊助商I.T昨晚就安排員工率先試玩，仲可以帶埋員工家屬去玩，好似昨日先去完黃大仙還神嘅DaDa Lo盧頌之，就同一個高大型男去咗玩。

昨晚8點半左右，兩人抵達場地，開始瀡呀瀡，去到邊都形影不離，就連瀡滑梯都係孖公仔咁玩。期間兩人冇乜親熱舉動，但就好sweet，DaDa亦玩得好開心，不斷自拍、互拍，仲幫襯埋現場嘅即影早即有，影影影，渾忘煩惱。

瀡完一輪，消耗體力，兩人一齊搵嘢食，玩咗45分鐘左右，兩人走喇，各自換衫。高大男一早換完，好有風度咁喺洗手間外等DaDa，期間仲撞到朋友，高大男特地行開少少，唔阻住DaDa同朋友傾偈，之後兩人雙雙搭的士走lu。

而DaDa接受記者訪問嘅時候，就話呢個高大男係佢嘅化妝師朋友，仲話之後都會同佢有好多合作。DaDa又講到今次好好玩，比起上次試玩嘅時候好玩，又話因為自己嘅體重可能瀡唔到，所以要工作人員幫手，仲話好驚險。
from:http://hk.apple.nextmedia ... 150822/19266125