陳家樂戲假情真，撻著長腿索模餘香凝

1^# 大中小 young 發表於 2015-7-29 10:12 發短消息

生日大日子，陳家樂梗係孖住女友餘香凝二人世界慶祝，單睇笑容就知有幾冧啦！

藝人鍾意同網民開心「些牙」生活趣事，除咗可以呃like，仲可以同粉絲互動，不過針冇兩頭利，有時會因此「洩密」㗎！

好似即將有新戲《破風》上映的上位男陳家樂，雖然ig清一色post工作照，異性合照絕跡，實情暗藏秘密！事關早前陳家樂開心「些牙」長洲玩樂相，同22歲長腿索模餘香凝（Jennifer）同一時間po出，雖然冇合照都露曬破綻喎！原來兩人早喺港台劇《總有出頭天》合作而撻著更咀出火花。陳家樂亦對《FACE》承認戀情：「係有開心嘅情況囉！」

餘香凝首次拍劇就擔正，劇中同陳家樂更有咀戲，結果咀出真感情。網上圖片 28歲陳家樂入行以來，緋聞唔算多，除咗有個拍拖10年圈外女友Emily反面收場，亦同師妹林欣彤拍過拖；現任長腿女友餘香凝（Jennifer）為JamCast旗下模特兒，入行6年拍過唔少作品，喺港台劇《總有出頭天》中首次擔重戲份飾演地盤女監工，同陳家樂做情侶兼有咀戲，戲假情真。

大方認戀情

攪曬合作拍劇，又飾演情侶，真係好易戲假情真㗎！就算女方生日大日子，陳家樂都堅持唔上鏡，一味只post食物相，不過就因為一批長洲相而洩密，明顯當日兩人係拍住拖遊山玩水，不過玩地下情，照片得單人照是常識吧！《FACE》致電陳家樂，他初時有點錯愕，之後才回應：「係有開心嘅情況囉！」大方公開戀情，難得有位索模女友，以後po相唔使再收收埋埋啦！

ig洩密兩週前，陳家樂先post長洲魚蛋相上ig，相隔幾分鐘，女友餘香凝亦將魚蛋相放上網，仲要動作都咁一致，雖則冇合照，但都「露餡」啦！

網上圖片

再po糯米餈相，女友又跟住咁做！睇嚟兩人喺長洲玩得好開心喎！網上圖片

網上圖片拍片教化妝身高達173cm嘅索模餘香凝（Jennifer），16歲已經自薦做model，入行6年儲落唔少演出經驗，而愛上拍戲嘅Jennifer，仲視胡杏兒為目標，想挑戰埋拍劇添！

索模餘香凝喺YouTube設有個人channel，定期親身上陣拍片教化妝同整頭，年紀輕輕已經搞作多多！YouTube畫面

雖然餘香凝係模特兒，不過堅拒行性感路線，平時都只係騷下長腿同靚樣。

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-11-12 19:17 發短消息

陳家樂攬女上樓密密食

【掃零食】

陳家樂與女友Jennifer日前到阿信屋掃零食，女友穿超短褲大晒長腿。

DV圖片

【沙田】英皇力捧藝人陳家樂，舊年喺台灣拍攝電影《破風》跌斷鎖骨後知名度大增，就連感情方面亦發展順利。今年初佢因為拍攝港台劇集《總有出頭天》而跟22歲長腿女模余香凝（Jennifer）撻着，二人不時孖住出巡相當甜蜜，繼月前被傳媒拍到喺港鐵車廂調情後，上星期三本報記者又發現佢哋拍拖到759阿信屋掃零食，家樂仲趁冇人留意時一手攬實女友，認真冤氣。

【攬到實】

買零食期間，陳家樂突然攬實女友，認真甜蜜蜜。

【繼續揀】

家樂揀咗成籃嘢食，跟住上女友屋企。

【女找數】

零食由Jennifer找數，家樂否認同女友同居。

「唔係一齊住」

着上超短褲大晒長腿嘅Jennifer，當日下午5點幾同陳家樂現身沙田瀝源廣場759阿信屋，為食Jennifer不停揀薯片，揀完一包又一包，家樂見狀即忍唔住笑佢：「食唔晒咪又要我食埋一份！」之後二人再揀選其他零食，突然家樂一手攬住女友，然後密密斟，表現甜蜜，但當發現途人漸多，佢哋又顯得避忌並刻意彈開，而逛足半粒鐘後，家樂同女友買咗朱古力、薯片同寶礦力等零食同飲品，由女友找數，繼而肩並肩離開。

湯怡（左）與家樂日前到上海出席攝影師Ellen嘅攝影展。

記者噚日致電家樂，問佢同女友係咪發展到同居關係時，家樂急急澄清話：「唔係，嗰日去佢屋企，買啲零食上去之嘛，唔係一齊住。」究竟佢哋拍咗拖幾耐？家樂笑話：「今年2月開始，都穩定嘅。」此外，家樂同湯怡日前出席德國女攝影師Ellen Von Unwerth於上海舉行嘅試驗性攝影展，獲Ellen大讚靚仔靚女。

採訪、攝影：梁繼光
from:http://hk.apple.nextmedia ... 151102/19356370

TOP

3^# 大中小 young 發表於 2017-7-10 19:09 發短消息

余香凝演17歲學生

余香凝（左）前晚在灣仔演藝學院，出席《非同凡響》電影開鏡，與葉童及張國強飾演一家人。身穿校服的余香凝透露戲中要飾演17歲的學生，比她真實年紀細7歲：「為咗演出呢個角色，去搵咗以前母校校長，返去上咗兩日堂，感受吓做番學生滋味，之前同咗班師弟師妹講聲，唔會騷擾佢哋，結果乖乖哋上咗兩日堂，返去寫筆記做功課，原來真係好攰，上到一半會瞌眼瞓。」

採訪：曹家誠
攝影：仇志德
from:http://hk.apple.nextmedia ... 170710/20084205

TOP

4^# 大中小 young 發表於 2017-7-21 00:34 發短消息

余香凝要求NG博食麵

余香凝（Jennifer左）兩年前開始學結他，最近終於將自己哼出嘅旋律，創作第一首歌曲《你愛的人上》。佢搵咗好姊妹廖子妤客串演MV女角，日前到澳門取景，佢哋話諗起之前合作拍《骨妹》嘅趣事，好開心可以一齊再去食超辣公仔麵，而食麵過程仲係劇情一部份，忍唔住對導演要求再NG，可以再食多幾啖。而出名係貓癡嘅廖子妤，好開心今次有機會同貓一齊演出。

撰文：馮仁昭
from:http://hk.apple.nextmedia ... 170720/20095134

TOP

5^# 大中小 young 發表於 2017-7-30 18:47 發短消息

余香凝作歌唱觀音兵

余香凝（中）前晚在銅鑼灣舉行新歌發佈會，好姊妹廖子妤（左一）和師姐們Super Girls撐場，男友陳家樂未有現身。

余香凝即場唱出一首自己作的歌，內容講一個男仔，不過此人並非男友，她說：「話男友知道時，佢都好驚訝，因為首歌寫到好sweet，佢都以為我送畀佢。」她指新歌內容的男主角應該知道是自己，並稱當時拒絕了該男子的追求。

採訪：張俊銘
攝影：仇志德
from:http://hk.apple.nextmedia ... 170730/20105769

TOP

6^# 大中小 young 發表於 2017-8-5 22:12 發短消息

余香凝寫歌送那些年

余香凝（Jennifer）噚日去新城電台宣傳新歌《你愛的人上》，Jennifer親自寫嘅呢首歌，係送畀一個曾經雙方都有感覺，但並未展開戀情嘅好朋友，Jennifer話：「當時讀緊中七，我有鍾意同感激佢，但我哋係兩個世界嘅人，怕分手後連朋友都冇得做，佢一世都會喺我回憶裏面。」佢話唔怕男友陳家樂呷醋，因為早已講清楚。

撰文：馮仁昭
from:http://hk.apple.nextmedia ... 170803/20109780

TOP

7^# 大中小 young 發表於 2017-8-5 22:19 發短消息

余香凝整陶瓷望籌十萬

余香凝（右）和廖子妤笑言義賣當日可以賣唱又賣笑。

余香凝（Jennifer）、廖子妤（Fish）、余潔瀅（Zoe）、陳詩欣（Eunice）和鄧穎堯（Yoyo），日前為模特兒公司Jam Cast本月19日幫香港遊樂場協會籌款，舉行慈善義賣，齊齊做陶瓷，她們分別在陶瓷上簽名寫金句，並送上唇印，笑言屆時可以賣唱又賣笑，目標是可以籌到十萬元。

余香凝拉隊整陶瓷義賣，目標籌十萬元。

Jennifer整了一個結他形的投幣箱，第二年為籌款親製陶瓷的Fish，做荷包蛋紙鎮，她說：「藝術嘅嘢係無價嘅，要幫助有需要嘅人，太高價怕冇人要，太低價又會唔捨得，我賣300蚊啦。」Zoe做了一個貓貓水杯，開價20元，Eunice和Yoyo則整了碗和碟。

採訪：羅慧敏
攝影：陳慧安
場地提供：Gitone Limited梓桐堂
from:http://hk.apple.nextmedia ... 170804/20110693

TOP