王宗堯昨日謂做男神最緊要敢言敢做。
娃娃舜昨晚在荔園大展出位歌喉，同場還有雨僑及胡耀輝自導自演的電影《猛龍特囧》眾演員，電影公司搞了一個香港網絡男神選舉，冠軍有10萬元獎金兼可以在電影版《導火新聞線》演出一角，有份選男神的17號參賽者在台上玩剝衫，除剩一條孖煙囪，在下體抽出用蕉做的雙截棍揮舞，十分騎呢。
男神王宗堯、牛雜妹（李美琪）、胡耀輝和張建聲等擔任評判，王宗堯被問到選男神標準？他說：「最緊要敢言敢做，唔使口才同身材好。」據他所知，參賽者中有兩位是以前的港視同事，所以他事先張揚會有感情分，還笑言世界是沒有公平的。
要女友湊貓
王宗堯之前被拍到與Angelababy師妹Sarah撐枱腳，他表示：「仲係認識中，咁我係想拍拖，想搵理念一樣，可以共同生活嘅女伴，不過都要睇吓夾唔夾，個女仔事業心重唔重，如果可以幫手照顧埋我啲貓就更佳。」Sarah與他已結識4年，最近宗堯才發力追求她。
採訪：溫敏芝
攝影：陳俊強
周家怡（左）與楊淇昨晚為香港網絡男神選舉擔任評判。
牛雜妹透露與蕭定一公司傾，希望可以和男神張智霖合作。
from:
http://hk.apple.nextmedia ... 150728/19234327
