樂壇將會出現兩個Candy Lo，除了盧巧音外，還會有羅霖（Candy）。羅霖昨晚在銅鑼灣出席寫真慶功，即席宣佈進軍樂壇做歌手，羅霖說：「公司搵馬嘉均作曲，同我合唱出唱片，呢個係我人生最大考驗，半百歲先至唱歌做歌手，結婚十幾年我冇夜蒲亦冇去唱卡拉OK，所以一定要拜師學藝。」之後她又感觸親吻並多謝媽咪。
「全世界都識我」
羅霖昨午以低胸透視裝打扮在灣仔書展為《Timeless》寫真集舉行簽書會，獲媽咪及好友陶傑現身撐場，同場另一邊則有王宗堯為《我都係香港人》影集舉行簽書會，50歲美魔女大戰男神，結果無論人數及熱情度，羅霖都略勝一籌，她除有約半百粉絲撐場外，粉絲們還不斷舉牌吶喊，不過羅霖指沒和別人作比較，之前也曾被拿來和美心妹妹楊鎧凝（Celine）比較：「我同佢個層面都唔同，Celine咁可愛，希望佢睇唔到話佢嘅言論。」
【捉實唔放】
羅霖與大叔粉絲握手時，被對方肉緊地捉到實一實。
【聲勢強勁】
獲半百粉絲舉牌現身撐場的羅霖，心情大靚。
【進軍樂壇】
羅霖昨晚出席寫真慶功，宣佈進軍樂壇做歌手。
攝影：卓寶花
羅霖吻謝送花的媽咪。
羅霖開心透露寫真集賣斷市，加印速度跟不上銷量：「印唔切，因為除咗廣州之外，全世界都識我，好感恩，𠵱家全世界都知我50歲，冇得避。多得香港傳媒報導，搞到我好似再參加一次選美咁，因為見有報導拎我同泰國、墨西哥比較。」她自言非常感恩寫真集為自己帶來許多工作，而三名兒子亦為她感到驕傲：「我同佢哋講，只要努力，好似我咁一把年紀都有奇蹟。」
【親民自拍】
王宗堯有求必應，與女粉絲自拍。
至於同場的王宗堯，就有行去羅霖的簽書區，但沒購買她的寫真，不過最後雙方交換了親筆簽名書和合照。宗堯表示暫時銷量有一千本，打算加印。而提到美心妹妹的寫真風波，他則說：「小朋友應該出番小朋友嘅書。」
採訪：盧妹、卓寶花
from:
http://hk.apple.nextmedia ... 150720/19225477
