現年20歲的性感女子組合Donut成員Elise（陶嘉瑩），擁有34C導彈身材的她，絕對不是胸大無腦的𡃁模，今年重考文憑試DSE的她，昨日放榜獲34分的好成績，報考6科考到4優共5粒星，其中通識科更達5**，成為「𡃁模狀元」的Elise開心到跳起，志願是入讀港大法律系，Elise今日將現身灣仔書展宣傳性感寫真，她說：「我覺得最重要係出於污泥而不染。」
四年前16歲加入Donut的港產𡃁模Elise，不但擁有導彈34C、24、35身材，還有「翻版蔡少芬」之稱，現年20歲的Elise是應屆中學文憑試DSE重考生，就讀九龍塘陳樹渠紀念中學，昨天放榜大日子，Elise前晚在床上輾轉反側，昨早6時起床準備返校取成績單，於10時許抵達九龍塘港鐵，心情緊張的她先到便利店買凍飲，當獲知考到34分好成績後，興奮到在校門外跳起Yeah，並馬上致電媽咪報喜。
Elise昨日放榜後即時致電媽咪報喜，開心不已。
Elise入行四年，跟Donut成員出了四本寫真，今年寫真同樣著比堅尼曬34C身材。
Elise報考6科，獲1科5**、3科5*及1科5級的好成績。
不滿意英文
去年考到26分的Elise，分數不似預期，故決定重讀一年，今年報考6科，結果獲得4優共34分，成為「𡃁模狀元」，她展示成績單開心說：「𠵱家best5有30分，總分有34分，穩陣入到我最想入嘅學系，所以都好開心。」其中通識科獲5**，中文、經濟、會計獲5*，她說：「最唔滿意數學攞5，英文攞4，比自己預期低咗。」
Elise自小志願是做律師，現獲好成績是否有信心達成夢想？她說：「因為我係第二次考，所以想保守啲穩陣啲，如果學士讀法律系，出路會有風險，所以屋企人建議我讀BBA金融嗰啲。讀完書出嚟做幾年嘢儲啲錢，之後再進修上去，因為課程都幾貴。」為了考到好成績，Elise期間書不離手，她說：「我上年失敗過一次，畀多次機會自己，唔好塞住自己嘅後路，同埋都有去補習，老師話要背嘅都背曬，由朝頭早溫書溫到瞓覺，總之食飯都係對住本書食。」
求分數壓力大到滿臉爆粒粒，Elise曾感到好自卑，但她說：「我始終覺得讀書對女仔先係最緊要，所以將外貌擺喺第二位，我覺得讀咗書之後，成個人嘅氣質會返番嚟，同埋會比較有修養，可能會改變大眾對𡃁模嘅印象，並唔係唔讀書、淨係識得扮靚。」問是否介意被標籤做𡃁模？她說：「其實我唔介意，唔覺得𡃁模係一個貶義嘅詞，不過𠵱家就好多其他𡃁模，搞到大眾對呢行形象負面咗，我覺得最重要係出於污泥而不染。」
Elise覺得女仔始終都是讀書重要，好享受學生的生活。
為考得好成績重讀一年的Elise，跟同學之間的感情很好。
今書展凱旋
問為何選擇做𡃁模？Elise說：「想趁青春留番啲倩影，我已經第四年出寫真。」考完DSE後會否離隊？她說：「如果課餘時間啱，就會接模特兒工作，屋企人最初擔心我冇辦法顧及學業，見到我兩邊都顧及得好好，所以都好支持。」入行四年出了四本寫真的她，今年跟Donut推出《回家˙愛》性感寫真，穿著三點式、純純兔look大曬34C導彈，今日更以「𡃁模狀元」之勢殺入灣仔書展宣傳寫真。
採訪：比華利
攝影：陳俊強
from:
http://hk.apple.nextmedia ... 150716/19220636
