連詩雅認為藝人要聲色藝俱全，面對壓力她選擇跑步減壓。攝影：陳慧安
對連詩雅（Shiga）的印象，可能只有一雙長腿，或者幾首唱到大家心坎的失戀慘情歌，但論形象不算鮮明。她在反玉女形象中，卻一次比一次解放得徹底，Shiga早前在電影《野狼與瑪莉》中，以吞大雕燒一幕叫所有人吃驚兼留下深刻印象，無論《野狼》會否令她得到任何獎項或大紅大紫，起碼短短幾秒的戲份，已經成功引起網民熱烈討論。今時今日，得到網民支持才是王道！
撰文：何永寧
要講連詩雅，聯想到的就是高登、長腿等關鍵字，最近更多了一樣——大雕燒！
話說Shiga在現正上映的三級片《野狼與瑪莉》中，因為一幕吞大雕燒的戲份引起極大迴響，加上她七情上面的高潮表情，足以令高登巴打穀精上腦：「嗰場其實係男主角嘅幻想，而且嗰件係台灣夜市好出名嘅食物大雕燒，仲係得幾秒，你可以話個意識係大膽，但如果講激，我諗《喜愛夜蒲》嘅演出仲大膽，反而《野狼》嘅賣點係血腥同殺人。」
今次訪問的地點選址於前「爆房聖地」九龍塘理想酒店的舊址進行，雖然桃花依舊，但內裡已變成一處喜宴及拍婚紗照的場所。Shiga同樣原本以歌手出身，但她賴以成名的，反而是一雙長腿及電影《喜愛夜蒲》系列，對於歌、影的發展，Shiga覺得無分軒轅：「其實拍戲畀人認識，都幫到我啲歌推廣，係相輔相成，所以唔應該分音樂或者電影。反而唔係集中喺單一方面，對藝人係一件好事。」
外表斯文的連詩雅，攞住把刀都頗有殺氣。劇照
連詩雅戲中演出意識大膽，亦有不少露背鏡頭。
片中因為有不少血腥和大膽的場面，官能刺激豐富。
連詩雅在《喜愛夜蒲》（圖）中是動作激情，而《野狼》則是意識出位。劇照
死命跑當減壓
Shiga出道以來，負面消息停不了，她被爆曾是蒲精，又先後因為荷李活電影《狂野時速》系列男星保羅獲加（Paul Walker）及老友陳僖儀的死，下了「rest in piece（peace）」的註腳而成為新聞人物，Shiga又因貌似AV女優永澤真央美而被拉上關係。對現年26歲的她來說，已變成見怪不怪的生活一部份，她說：「好多事去到我身上都會被放大，可能我本身比較容易惹是非，都冇辦法，『食得鹹魚抵得渴』。喺呢行令我享受嘅係可以做到我鍾意嘅事，呢啲可以當成係做呢行嘅package，上到台表演就可以抵銷番。做藝人係冇得介意亦冇得避，可以上心得幾多次？」
面對壓力，Shiga的減壓方法是死命的跑，更跑到可以參加渣打馬拉松比賽，她帶點自豪說：「跑一個鐘成身汗，嗰人舒服曬，開頭係因為氣管弱去跑，後來發覺可以發洩壓力。新人嘅壓力，除咗負面新聞，同時都背負金錢壓力。」
場地提供：My Seasons
Hair：Sky Wong of La Mod Salon
Make up：Kris Wong
from:
http://hk.apple.nextmedia ... 150626/19197943
