亞姐張家瑩患子宮頸細胞病變，當時醫生曾建議她切除整個子宮。攝影：沈健程
於2007年奪得亞姐冠軍的張家瑩（Grace），與亞視的合約至年底才約滿，由於亞視現時暫停製作節目，她亦趁空與父母一起飛到美國出席弟弟的大學畢業禮，張家瑩還把開心家庭照放上facebook與好友分享。
拒割整個子宮
不過開心背後，張家瑩早前接受訪問時透露數月前發現患上子宮頸細胞病變，讓今年31歲的她哭成淚人：「本來接咗拍杜Sir（杜琪峰）一部新戲，但入劇組前發現身體有啲唔舒服，檢查之下發現患上子宮頸細胞病變，好彩發現得早，醫生話我嘅指數挨近cancer（子宮頸癌），當時真係好驚，覺得自己將來每行一步都唔知為咗乜。」
張家瑩透露有醫生曾建議她將整個子宮切除，以杜絕將來患癌機會，但被她拒絕，張家瑩解釋：「我仲咁後生，好多嘢都未做，仲有諗住將來要結婚生BB。好彩經朋友介紹下，遇到一個較好醫生，佢建議我做一個小手術，將啲唔好嘢拎出嚟，再化驗夾走咗嗰部份，原來比想像中高一級。」
仍與亞視有合約的張家瑩，沒有劇拍，偶然才出席亞視活動。資料圖片
張家瑩早前舉家到美國出席弟弟的大學畢業禮。
from:
http://hk.apple.nextmedia ... 150622/19193259
