Hilary昨日透露稍後將會到美國讀書，但她稱不會與男友同住。
一班星二代，包括上山詩鈉囡囡Hilary Fan、翁靜晶囡囡劉萬儀（Jeanne）和趙雅芝囝囝黃愷傑，昨日聯同女星吳千語在銅鑼灣出席化妝品牌舉行的Cafe啟動禮。身為星二代的Hilary和Jeanne，一直在父母護蔭下成長，不過兩人坦言沒壓力，Hilary說：「例如我post嘢，呢個係我選擇，所以唔應該介意人哋睇到。」問她會否入行拍電影？她說：「我就嚟會去美國波士頓讀室內設計，同男友一間學校，但唔同學院。」Hilary又否認為男友赴美，並指兩年前已打算入讀該校。提到男友，Hilary說：「我哋拍拖已經有年幾，媽咪都見過佢，但係我年紀仲細，所以唔會同男友同居。」問到感情是否穩定，她尷尬地笑說：「唔知呢！」
Jeanne表示對今次的硬照感覺滿意，問到媽咪翁靜晶有否給意見？她說：「都有，佢都覺得好靚。」而黃愷傑將參加真人騷《壯志凌雲》，事前要接受飛航訓練，他說：「屋企人初頭擔心，但做機師係我細個嘅夢想，所以叫我放膽去做，最緊要注意安全。」
劉萬儀坦言最初被化妝效果嚇了一跳，不過拍攝後感滿意。
黃愷傑（右）稍後將參與真人騷並需接受飛航訓練，家人叮囑他一切以安全至上。
吳千語（左）不願評論男友林峯的身形。
千語BB赴韓會李敏鎬
清減了不少的吳千語表示，只要有時間，會一星期做兩次健身，問到男友林峯會否一齊做？她笑說：「佢冇陪我，但佢更需要，佢更加需要fit過我。」但被問到會否覺得林峯很fit？她竟然說：「唔知，不願置評，最緊要佢自己感覺良好，男仔喺夏天更有必要去健身，我鍾意健康、大隻，但唔鍾意健身選美大賽嗰啲男仔，實在太誇張。」
稍後千語將會與「長腿Oppa」李敏鎬合作新戲《賞金獵人》，她表示已準備韓文App跟李敏鎬及導演溝通，至於會否擔心當地疫情？她說：「我問過當地朋友，佢哋話冇咁嚴重，佢（林峯）叫我戴口罩。」
採訪：黃曉妍
攝影：陳俊強
from:
http://hk.apple.nextmedia ... 150715/19219447
